Սկանդալ Լոնդոնում
Լոնդոնի քաղաքապետ Սադիկ Խանի շուրջ դաժան սկանդալ է հասունացել այն իրադարձությունից հետո, երբ նրա պաշտոնական կայքը հրապարակել է երիտասարդ սպիտակամորթ ընտանիքի լուսանկար՝ «Չի ներկայացնում իրական լոնդոնցիներին» մակագրությամբ։ Այս մասին գրում է բրիտանական Daily Mail-ը։
Լեյբորիստական քաղաքապետին կոչ են արել ներողություն խնդրել պաշտոնական PR ուղեցույցում տեղ գտած տարօրինակ առաջարկությունների համար Մեծ Լոնդոնի վարչակազմի «բրենդավորման» մասին։
Վիճահարույց ստորագրությունները եղան չնայած այն հանգամանքին, որ ուղեցույցը սկսվում է «Քաղաք բոլոր լոնդոնցիների համար» կարգախոսով և խոստանում է մասնակցել բոլոր քաղաքացիների կյանքին՝ «անկախ տարիքից, սեռից, սեռական կողմնորոշումից, էթնիկական և կրոնական պատկանելությունից, առողջական վիճակից կամ ամուսնական կարգավիճակից»։
Անցած գիշեր պարոն Խանը ստիպված եղավ հրաժարվել նկարի մակագրությունից, որը ցույց է տալիս զույգին և նրանց երկու երեխաներին, որոնք քայլում են Թեմզայի երկայնքով, իսկ ֆոնին խորհրդարանն է:
Քաղաքապետի խոսնակն ասել է. «Լուսանկարին մակագրությունը սխալմամբ ավելացվել է աշխատակցի կողմից և չի արտացոլում քաղաքապետի կամ Մեծ Լոնդոնի իշխանությունների տեսակետները»: Նա ավելացրել է, որ բովանդակությունն այժմ «վերանայվում է՝ համոզվելու, որ լեզուն և ուղեցույցը համապատասխան են»:
Ամբողջ ուղեցույցը, որը վերնագրված է ‘Look Book – Mayor of London Brand Guideline’ -ը նույնպես հեռացվել է պաշտոնական london.gov կայքից անմիջապես այն իրադաարձությունից հետո, երբ The Mail on Sunday-ը կապվել է պարոն Խանի գրասենյակի հետ:
Նախորդ գիշեր, Սյուզան Հոլը՝ թորի թեկնածուն հաջորդ տա Լոնդոնի քաղաքապետի ընտրություններում ,կոչ արեց պարոն Խանին ներողություն խնդրել:
Բացի այդ, նա քննադատել է ղեկավարությանը չափազանց մեծ ուշադրության համար քաղաքապետի կերպարի նկատմամբ։