Ինչպիսին կլինի Ֆրանսիայի քաղաքականությունը Մերձավոր Արևելքում
Ֆրանսիան օգնել է հավաքել 800 միլիոն դոլար մարդասիրական օգնություն և 200 միլիոն դոլար (որպես անվտանգության օգնություն)՝ աջակցելու Լիբանանին և Իսրայելի վերջին ներխուժման հետևանքով այնտեղ տեղահանված ավելի քան 1 միլիոն մարդկանց, հինգշաբթի ասել է Ֆրանսիայի արտգործնախարար Ժան-Նոել Բարոն։
Նախագահ Էմանուել Մակրոնի կառավարությունն օգնել է ապահովել նվիրատվությունը Փարիզում կայացած համաժողովում, որտեղ հավաքվել են 70 երկրների և միջազգային կազմակերպությունների բարձրաստիճան պաշտոնյաներ: Հինգշաբթի առավոտյան իր բացման խոսքում Մակրոնն ասաց, որ Ֆրանսիան 100 միլիոն եվրո կտա:
Մակրոնը նաև օգտագործել է ուղերձը՝ կոչ անելով «որքան հնարավոր է շուտ ավարտվի պատերազմը» հարավային Լիբանանում, որտեղ Իսրայելի պաշտպանության ուժերը փորձում են ոչնչացնել «Հեզբոլլահ» զինյալ խմբավորումը օդային և ցամաքային գործողությունների համակցությամբ:
Լիբանանը, որը նախկին ֆրանսիական պրոտեկտորատ էր, վաղուց պատված է պատերազմներով, կոռուպցիայով, ներքաղաքական բախումներով և տնտեսական վատթարացումներով: Իրավիճակը հատկապես սարսափելի է եղել 2020 թվականին մայրաքաղաք Բեյրութում զինամթերքի գործարանում տեղի ունեցած պայթյունից հետո, որի հետևանքով զոհվել է ավելի քան 200 մարդ և պատճառվել է մոտ 15 միլիարդ դոլարի գույքային վնաս։
Մակրոնն ասել է, որ Ֆրանսիայի նվիրատվությունն ուղղվել է համաժողովի համար նախատեսված 500 միլիոն եվրոյի սկզբնական նպատակին: Նա ավելացրել է, որ գումարի զանգվածային ներարկումն անհրաժեշտ է մարտերից փախածներին խնամելու համար, որոնցից շատերը հարավային Լիբանանից են, և կանխելու ներքին կռիվը տեղացիների և տեղահանված բնակչության միջև:
Մակրոնն օգտագործեց իր ելույթը՝ լիբանանցիների ծանր վիճակի մեջ մեղադրելու Իսրայելին և Հեզբոլլահի տարածաշրջանային աջակից Իրանին: Նա կոչ է արել Հեզբոլլահին «դադարեցնել իր սադրանքները», լինեն հարձակումներ Նեթանյահուի տան վրա, թե «անխտիր հարձակումներ»(“indiscriminate attacks”) Իսրայելի վրա:
Նա նաև կոչ է արել Իսրայելին ընդունել հրադադարը Հեզբոլլահի հետ՝ հավելելով, որ «Իսրայելը գիտի, որ իր ռազմական հաջողությունները հաղթանակի չեն տանում» Լիբանանում՝ նկատի ունենալով Իսրայելի կողմից իր հարևանի բազմաթիվ ներխուժումները: Մակրոնը նաև կոչ է արել հրադադար հաստատել Իսրայելի և ՀԱՄԱՍ-ի միջև Գազայում։
Ելույթ ունենալով համաժողովից հետո, Լիբանանի վարչապետ Նաջիբ Միքաթին ասաց, որ հինգշաբթի Փարիզում գտնվող պատվիրակները «մեծ համերաշխություն» են հայտնել իր երկրին:
Բարոն, հանդես գալով Միքաթիի կողքին, ասաց, որ Ֆրանսիան պետք է «կրկնապատկի մեր դիվանագիտական ջանքերը», և որ հրադադարի անհրաժեշտությունը հրատապ է:
«Ֆրանսիան կանգնած է Իսրայելի կողքին, և մենք կարծում ենք, որ Իսրայելի անվտանգությունն ավելի լավ է երաշխավորված դիվանագիտությամբ, քան ուժով»,- ասել է նա։
