Ինչպինի կանխարգելիչ միջոցառումներ է իրականացնում Ֆինլանդիան Ռուսաստանի սահմանին
Ֆինլանդիան դուրս կգա հակահետևակային ականներն արգելող միջազգային համաձայնագրից, որը նաև հայտնի է որպես Օտտավայի կոնվենցիա և կծախսի ՀՆԱ-ի 3 տոկոսը պաշտպանության վրա, երեքշաբթի հայտարարել է երկրի նախագահ Ալեքսանդր Ստուբը։ Այս մասին գրում է POLITICO-ն։
«Ֆինլանդիան կնախապատրաստվի Օտտավայի կոնվենցիայից դուրս գալուն», — գրել է նա X-ում: «Որոշումը հիմնված է համապատասխան նախարարությունների և Պաշտպանության ուժերի մանրակրկիտ գնահատման վրա: Ֆինլանդիան հավատարիմ է ականների պատասխանատու օգտագործման իր միջազգային պարտավորություններին», — ավելացրել է նա:
1997 թվականի Օտտավայի կոնվենցիան, որը նաև հայտնի է որպես Հակահետևակային ականների արգելման պայմանագիր, աճող ճնշման տակ է հայտնվել Ուկրաինայի դեմ Կրեմլի պատերազմի պատճառով, հատկապես Ռուսաստանին հարևան երկրներում:
Ստուբը նաև ասաց, որ Հելսինկին մինչև 2029 թվականը ՀՆԱ-ի 3 տոկոսը կծախսի պաշտպանության վրա՝ 2024 թվականի 2,4 տոկոսի դիմաց: Դա ավելին է, քան ՆԱՏՕ-ի ներկայիս 2 տոկոս թիրախը, որը լայնորեն ակնկալվում է, որ կբարձրացվի հունիսին Հաագայում կայանալիք գագաթնաժողովի ժամանակ:
«Սա Ֆինլանդիայի ներդրման մի մասն է Եվրոպային՝ ստանձնելով ավելի մեծ պատասխանատվություն մեր պաշտպանության համար», — ասել է Ֆինլանդիայի նախագահը։
Հանգստյան օրերին Սթաբը անակնկալ, ոչ պաշտոնական ուղևորություն կատարեց Ֆլորիդա և խոսեց ԱՄՆ նախագահ Դոնալդ Թրամփի հետ Ուկրաինայի պատերազմի մասին:
