Ժողովրդագրության ապագան 21-րդ դարում
Աշխարհի բնակչությունը գագաթնակետին է հասնելու այս դարում սպասվածից շուտ, քանի որ աշխարհի խոշորագույն երկրներից մի քանիսը բախվում են ծնելիության մակարդակի նվազմանը, ըստ ՄԱԿ-ի: Գրում է CNBC-ին:
Կազմակերպության «Աշխարհի բնակչության հեռանկարների մասին» երկամյա զեկույցի համաձայն, կանխատեսվում է, որ 2080-ականների կեսերին գլոբալ բնակչությունը կկազմի շուրջ 10,3 միլիարդ (ներկայումս 8,2 միլիարդ է): Ակնկալվում է, որ մինչև 2100 թվականն այն աստիճանաբար կնվազի մինչև 10,2 միլիարդ, ինչը 6 տոկոսով ցածր է, քան ակնկալվում էր մեկ տասնամյակ առաջ:
2022 թվականին ՄԱԿ-ը հաշվարկել էր, որ մինչև 2080-ական թվականներին աշխարհի բնակչության թիվը կհասնի 10,4 միլիարդի:
«Որոշ երկրներում ծնելիության մակարդակն այժմ նույնիսկ ավելի ցածր է, քան նախկինում ակնկալվում էր, և մենք նաև մի փոքր ավելի արագ անկում ենք տեսնում բարձր պտղաբերությամբ որոշ շրջաններում», — ասել է ՄԱԿ-ի գլխավոր քարտուղարի տնտեսական և սոցիալական հարցերով տեղակալ Լի Ջունհուան հայտարարության մեջ:
«Վաղ ու ցածր գագաթը հուսադրող նշան է: Սա կարող է նշանակել մարդու ազդեցությունից շրջակա միջավայրի վրա ճնշումների կրճատում՝ համախառն սպառման նվազման պատճառով», — ավելացրեց Լին:
Աշխարհում միջին հաշվով կանայք մեկ երեխա ավելի քիչ են ունենում, քան 1990 թվականին:
ՄԱԿ-ը նշում է, որ այնպիսի երկրներ, ինչպիսիք են Չինաստանը, Հարավային Կորեան, Իսպանիան և Իտալիան, ունեն «չափազանց ցածր» ծնելիության մակարդակ:
2024 թվականի դրությամբ բնակչության թիվը հասել է առավելագույնին 63 երկրներում, այդ թվում՝ Չինաստանում, Գերմանիայում, Ճապոնիայում և Ռուսաստանում: Նախատեսվում է, որ այս երկրների ընդհանուր բնակչությունը առաջիկա 30 տարում կնվազի 14%-ով։
Այնուամենայնիվ, ինը երկրներում, ներառյալ Նիգերը, Սոմալին, Կենտրոնաաֆրիկյան Հանրապետությունը և Կոնգոյի Դեմոկրատական Հանրապետությունը, կանխատեսվում է «շատ արագ աճ»:
