Իտալիայի արտգործնախարարը լքել է իշխող կուսակցությունը Ուկրաինայի շուրջ տարաձայնությունների պատճառով

Հունիսի 21-ին պառակտում է տեղի ունեցել Իտալիայի ամենամեծ կուսակցությունում, որը մաս է կազմում կոալիացային՝ ղեկավարվող վարչապետ Մարիո Դրագիի կողմից։ Դա տեղի է ունեցել այն բանից հետո, երբ արտգործնախարար Լուիջի Դի Մայոն հեռացել է կուսակցությունից Ուկրաինային ռազմական օգնություն տրամադրելուց հրաժարվելու պատճառով: Հայտնում է www.bloomberg.com-ը։

Ինչպես հայտնել է Դի Մայոն լրագրողներին, նա հեռանում է « 5 աստղերի շարժում » — ից, որը նախկինում առաջնորդել է և կստեղծի իր խորհրդարանական ֆրակցիան։ Այս որոշումը կայացվել է կուսակցության ներկայիս ղեկավար Ջուզեպպե Կոնտեի հետ Ուկրաինայի շուրջ երկար տարաձայնություններից հետո։

Կոնտեն դեմ է արտահայտվում Ուկրաինային տրվող ռազմական օգնությանը, որը հակասում է կառավարության դիրքորոշմանը։ Դրագին Ուկրաինայի ամենակտիվ աջակիցներից է։ Հունիսին նա այցելել է Ուկրաինա, որպեսզի աջակցի նրա անդամակցությանը Եվրոպական Միություն։

Ներկայումս Դի Մայոն ցանկանում է ստեղծել սեփական խորհրդարական ֆրակցիան։ Ansa գործակալության տվյալներով « Հինգ աստղերի շարժման  »  227 օրենսդիրներից առնվազն 60-ը պատրաստ են միանալ: