Ռուսաստանը վերականգնում է գազի մատակարարումը Հյուսիսային հոսք-1 գազատարով և հնարավորություն է տալիս Եվրոպային շունչ քաշել
Ռուսաստանը վերականգնել է գազի մատակարարումները Եվրոպա, սակայն խողովակաշարը աշխատում է 40% հզորությամբ։ Հայտնում է bloomberg-ը։
Գազի գինը նվազել է 6․5%-ով, քանի որ շատերը կարծում էին Հյուսիսային հոսք 1 գազատարով մատակարարումը չի վերկանգնվի։
Ռուսաստանը վերականգնեց գազի մատակարարումը և թեթևացրեց մայրցամաքի վիճակը, որի տնտեսությունը ցնցումների էր ենթարկվում մատակարարումների կրճատման պատճառով։ Քչերն են հավատում, որ գազի մատակարարումները կվերականգնվեն ամբողջական ծավալով։
Բնական գազի մատակարարումների վերսկսումը որոշակի թեթևացում կբերի մայրցամաքին, որը շտապում է կուտակել վառելիքի պաշարներ մինչև ձմռան սկիզբը։ Այս պահին դա կարող է որոշ չափով մեղմել այն մտահոգությունները, որոնք տնտեսական վիթխարի վնասի շուրջ են։ Այն արդեն արտահայտվել է եվրոյի արժեզրկմամբ, որը հիմա գրեթե հավասարվել է ամերիկյան դոլարի հետ։
Մատակարարումները վերսկումը թեթևություն կբերի ոչ միայն եվրոպական գազային շուկային, ալև ամբողջ տնտեսությանը,- ասել է Լոնդոնում ICIS-ի գազի վերլուծության բաժնի պետ Թոմ Մարցեկ Մանսերը։
Առանց ռուսական գազի Եվրոպան դժվար թե կարողանա իր քաղաքացիներին ապահովել գազով և էլեկտրաէներգիայով ամբողջ ձմռանը։
Վլադիմիր Պուտինը ակնարկել է, որ գազի մատակարարման ծավալը կարող է նվազել է 20%։ Նա հավելել է, որ մատակարարումները կարող են կրճատվել, եթե պահեստային բաղադրիչը մոտական ժամանակում Կանադայից Ռուսաստան չհասնի։
Շատ փորձագետներ կարծում են, որ Մոսկվան ավելի շատ կշահի, եթե շարունակի ստիպել Եվրոպային կռահել։ Մատակարարումները բայց սահմանափակ քանակությամբ, դրական է Ռուսաստանի համար», — ասել է DB Group Europe-ի առևտրի բաժնի ղեկավար Թիմ Փարթրիջը: «Դա նաև հնարավորություն կտա Կրեմլին օգտագործելու այս գազատարը՝ անկայունությունը մեծացնելու և միևնույն ժամանակ էներգակիրների գների աճից հսկայական շահույթներ ստանալու համար»:
Վերջին մեկ տարում Եվրոպայում գազի գները աճել են՝ հասնելով առավելագույն մակարդակի։ Սա տեղի ունեցել այն ժամանակ, երբ Ռուսաստանը ռազմական գործողություն սկսեց Ուկրաինայում։ Թեև դրանից հետո գները նվազել են, այնուամենայնիվ դրանք մի քանի անգամ ավել են քան վերջին 5 տարիների միջին գինը։ Սա ավելացնում է ծախսերը սպառողների, ովքեր արդեն բախվել են գնաճի հետ( սննդից մինչև վառելիք ):