Ինչի վերաբերյալ է ՄԱԿ-ի Անվտանգության խորհրդի վերջին բանաձևը
ՄԱԿ-ի Անվտանգության խորհուրդը երկուշաբթի օրը հավանություն է տվել Գազայի հատվածում հրադադարի և պատանդների ազատ արձակման մասին ԱՄՆ-ի բանաձևին՝ 14 կողմ, 0 դեմ ձայների հարաբերակցությամբ, իսկ Ռուսաստանը ձեռնպահ է մնացել: Գրում է POLITICO-ն:
Բանաձևը նշում է միջազգային ճնշման վերջին մարտավարությունը՝ ստիպելու Համասին և Իսրայելին համաձայնության գալ մարտերը դադարեցնելու ուղու շուրջ: Բանաձեւի առաջարկը համապատասխանում է եռափուլ գործարքին, որը նախագահ Ջո Բայդենը հայտարարեց մայիսի 31-ին:
Բանաձևը կոչ է անում ՀԱՄԱՍ-ին ընդունել այդ գործարքը։ Իսրայելը նախկինում համաձայնել է պայմանագրին, թեև նաև պայմաններ է դրել, երբ կարող է հաստատվել՝ ասելով, որ չի համաձայնի մշտական հրադադարի, քանի դեռ որոշակի պայմաններ, ներառյալ ՀԱՄԱՍ-ի ռազմական հնարավորությունների ոչնչացումը, չեն կատարվել:
«Մեզ պետք է, որ ՀԱՄԱՍ-ը համաձայնի հրադադարի համաձայնագրին, իսկ հետո Իսրայելն ու ՀԱՄԱՍ-ը պետք է իրականացնեն գործարքը առանց ձգձգումների կամ պայմանների», — քվեարկությունից առաջ ասել է ՄԱԿ-ում ԱՄՆ դեսպան Լինդա Թոմաս-Գրինֆիլդը:
Հրադադարի առաջարկը ներառում է երեք փուլ: Առաջին՝ վեցշաբաթյա փուլը կներառի կրակի ամբողջական դադարեցում, որոշ պատանդների ազատ արձակում, գերիների փոխանակում և թույլ կտա պաղեստինցի խաղաղ բնակիչներին, վերադառնալ իրենց տները: Հրադադարը կշարունակվի այնքան ժամանակ, քանի դեռ շարունակվում են բանակցությունները առաջին փուլի համար։
Երկրորդ փուլը ներառում է Գազայում մնացած բոլոր պատանդների ազատ արձակումը և իսրայելական ուժերի լիակատար դուրսբերումը, որին հաջորդում է Գազայի վերականգնման ծրագրի երրորդ փուլը և Գազայում գտնվող մահացած պատանդների աճյունների վերադարձը:
Բանաձևը նաև վերահաստատում է երկու պետություն լուծման հավատարմությունը:
Թերևս ի նշան Բայդենի վարչակազմի թերահավատության, որ Իսրայելի և ՀԱՄԱՍ-ի միջև կարելի է համաձայնություն ձեռք բերել, այն նաև դիտարկում է անմիջապես ՀԱՄԱՍ-ի հետ գործարք կնքել՝ ԱՄՆ պատանդներին ազատելու համար, հաղորդում է NBC-ն:
