Լեհական զարգացման հիմնադրամի ղեկավար. Եվրոպայի հիմնական խնդիրը ձմռանը գոյատևելն է

Այժմ Եվրոպայի գլխավոր խնդիրը ձմռանը գոյատևելն է, նշում է Լեհական զարգացման հիմնադրամի ղեկավարը։ Նրա խոսքով, եթե դա հաջողվի, Ռուսաստանը այլեւս չի կարողանա ապակայունացնել էներգետիկ շուկան։ Հայտնում է լեհական լրատվամիջոցը։

Եվրոպայի համար գլխավոր մարտահրավերը ձմռանը գոյատևելն է. «Ժամանակը կաշխատի Ռուսաստանի դեմ»,- երկուշաբթի Business Insider-ին հայտնել  է Լեհական զարգացման հիմնադրամի ղեկավար Պավել Բորիսը։

«Եթե Եվրոպան գոյատևի այս ձմռանը, ապա Ռուսաստանը չի կարողանա այս կերպ ապակայունացնել էներգետիկ շուկան հաջորդ տարի»,- ասել է հիմանդրամի ղեկավարը ղեկավարը։

Բորիսի խոսքով՝  «ամենակարևոր խնդիրները, որոնց կբախվեն լեհերը տոներից հետո, էներգետիկ ճգնաժամն է, բարձր տոկոսադրույքները և առաջիկա տնտեսական անկումը»։

«Եվրոպայում ներկայիս էներգետիկ ճգնաժամի պատճառն այն է, որ մեկ տարի առաջ Ռուսաստանը հրահրեց գազի գնի մի քանի աննախադեպ բարձրացում, իսկ Ուկրաինայում ռազմական գործողություններից հետո՝ մատակարարումների դադարեցում»,- ասել է նա։ «Այնուամենայնիվ, տնային տնտեսությունների համար գազի սակագները մոտ 40%-ից հասել են 58%-ի, բայց ոչ մի քանի անգամ, որքան բորսաներում»,- հավելեց նա։

Բորիսը նշել է, որ «շատ կարևոր է, որ կառավարությունը և խորհրդարանը որոշում կայացնեն սակագնային պաշտպանության ժամկետը երկարաձգելու մասին մինչև 2027 թվականը»։ «Գնաճը մեղմվում է նաև գազի ԱԱՀ-ի դրույքաչափի 23%-ից 8%-ի իջեցմամբ՝ այսպես կոչված հակագնաճային վահանի շրջանակում»,- ասել է Բորիսը։Հիմնադրամի ղեկավարի խոսքով՝ Լեհաստանի տնտեսությունը «կարող է իրեն թույլ տալ քաղաքացիների պաշտպանության բազմաթիվ ծրագրեր»։

«Էլեկտրաէներգիայի դեպքում ամեն ինչ մի փոքր այլ է, թանկացումը մեծապես պայմանավորված է CO2-ի սպեկուլյատիվ թանկացմամբ, բաշխման վճարների բարձրացմամբ և համակարգը գազով հավասարակշռելու անհրաժեշտությամբ»,- ասաց նա։ «Այնուամենայնիվ, այստեղ էլ 23 տոկոսից 5 տոկոս անկումը մեղմացնում է թանկացումը»,- գնահատեց նա։

Հիմնադրամի նախագահը նշել է, որ երբ խոսքը վերաբերում է վառելիքին, «կարելի է արագ փոխել նավթի գնման ուղղությունը, իսկ երկու ամսում մեկ բարել նավթի գինն արդեն նվազել է գրեթե 20%-ով»։ «Հուլիսից դրան հաջորդեց բենզինի և դիզվառելիքի գնանկումը։ Սա արդեն գների ամու կայունացում է»,- ասաց նա։

Հարցին՝ հիմա առանցքային խնդիրն է ձմռանը գոյատևելը, Լեհական զարգացման հիմնադրամի նախագահը պատասխանել է. «Այո, ամբողջ Եվրոպայի գլխավոր խնդիրը ձմռանը անվտանգ գոյատևելն է»։ «Ես հավատում եմ, որ դա կհաջողվի, և ժամանակը կաշխատի Ռուսաստանի դեմ, եթե Եվրոպան և Միացյալ Նահանգները մնան միասնական և վճռական», — ընդգծել է Բորիսը։