Ի՞նչ է հարկավոր Ուկրաինային հաղթանակի համար
Լայնամասշտաբ հակահարձակման նախօրեին Ուկրաինան բազմաքանակ զրահատեխնիկա ստացավ Արևմուտքից, մասնավորապես՝ Leopard տանկեր և Bradley հետևակի մարտական մեքենաներ, բայց դրանք դեռևս բավարար չեն ռուսական պաշտպանությունը ճեղքելու համար։ Ուկրաինային դեռ շատ այլ բաներ են պետք: Այս մասին գրում է Buisness Insider-ը:
Ինչպես ավելի վաղ ասել է փորձագետներից մեկը, « Leopard-ները չափազանց մարտունակ տանկեր են, բայց դրանք նույնպես համադարման չեն»: Նմանատիպ դիտարկումներ են արվել նաև այլ տեսակի զրահատեխնիկայի վերաբերյալ. Ուկրաինայի ռազմական ղեկավարությունը դժգոհում է, որ Ուկրաինայի զինված ուժերի հարձակումը բախվել է ռուսական ականներին։
Ուկրաինայի Զինված ուժերի գլխավոր հրամանատար, գեներալ Վալերի Զալուժնին վերջերս The Washington Post-ին ասել է, որ «միայն տանկերով և այլ զրահամեքենաներով ոչինչ չես կարող անել, քանի որ ականապատ դաշտը շատ խորն է — վաղ թե ուշ տեխնիկան կկանգնի և կկործանվի զանգվածային կրակի հետևանքով»։
Ուկրաինայից պրոտեկտորատ մի սարքեք, այլ դարձրեք փշոտ ոզնի
Որոշ դեպքերում ուկրաինացի զինվորականները փայփայում են այդքան անհրաժեշտ զրահամեքենաները և փորձում են ոտքով առաջ շարժվել։ Մյուս դեպքերում առաջխաղացումը դանդաղել է կամ կանգ է առել, և Ուկրաինան ազդանշան է տալիս, որ իրեն ավելին է պետք՝ ճեղքելու Ռուսաստանի պաշտպանությունը:
The New York Times-ը հաղորդում է, որ հակահարձակման առաջին երկու շաբաթվա ընթացքում Ուկրաինան կորցրել է մարտի նետված զենքի գրեթե 20%-ը (նկատի ունեցեք, որ սա առկա կրակային հզորության միայն փոքր մասն է): Սակայն առաջխաղացումը ականապատ դաշտերով՝ հրետանային կարկուտի տակ, այնուամենայնիվ, ավարտվել է ջարդված ու ջախջախված զրահատեխնիկայի սարսափելի կադրերով։
Այդ ժամանակից ի վեր զոհերի թիվը նվազել է, քանի որ ուկրաինական ուժեն անցել են հեռահար կրակի, սակայն առաջխաղացումը նույնպես կանգ է առել:
Արևմտյան գործընկերները Ուկրաինային տրամադրել են ծանր սպառազինություն, սակայն Կիևի պաշտոնյաները ափսոսում են, որ այն ստացել է պահանջվող ականազերծման և ինժեներական հնարավորությունների 15%-ից պակասը, գրում է The Washington Post-ը՝ նշելով, որ Զալուժնին հատուկ ընդգծել է հեռահար ականազերծման սարքավորումների անհրաժեշտությունը:
Տեխնոլոգիան ամեն ինչ չէ
Ռազմական փորձագետ Ֆրանց Ստեֆան Գադին վերջերս մեկնեց Ուկրաինա և ասաց, որ հիմնականում «հետևակի մարտ» էր, այսինքն՝ «առաջխաղացումը չափվում է մետրերով, ոչ թե կիլոմետրերով»:
Իր եզրակազությունները ամփոփելով՝ նա ասաց, որ «մեքենայացված կազմավորումները հազվադեպ են տեղակայվում մանևրելու միջոցների բացակայության պատճառով»՝ ընդգծելով ականազերծման սարքավորումների և հակաօդային պաշտպանության սարքավորումների բացակայությունը։
Ուկրաինական տանկերն ու հետևակը բախվել են ոչ միայն ականապատ դաշտերի, այլ նաև այլ խոչընդոտների — խրամատների, ինքնաթիռների և հրետանու մի ամբողջ ցանցի։
«Ականադաշտերը խնդիր են, փորձաետների մեծ մասը կհաստատի սա: Նրանք սահմանափակում են մանևրելու հնարավորությունը և դանդաղեցնում առաջընթացը»,- ասել է Գադին:
«Ուկրաինական հարձակման առաջին փուլը, իմ կարծիքով, ձախողվել է»
«Առանց համակցված սպառազինության համապարփակ մոտեցման, առաջխաղացող ուկրաինական ուժերը խոցելի են դառնում ռուսական հակատանկային համակարգերի, հրետանու և այլնի համար», — ասաց Գադին: «Ուստի խոսքը միայն տեխնոլոգիայի մասին չէ: Մենք համակարգված մոտեցում չենք տեսնում` ճեղքելու ռուսական պաշտպանական համակարգը»:
Ներկա իրավիճակում, քանի դեռ ռուսական պաշտպանության հանկարծակի փլուզումը տեղի չի ունեցել, Գադին կանխատեսում է «հյուծման արյունալի պայքար՝ պահեստային ստորաբաժանումների աստիճանական ներդրմամբ մարտական գործողություններում առաջիկա շաբաթների և ամիսների ընթացքում»:
Եթե Ուկրաինան չի ցանկանում դրան հասցնել, Գադին կարծում է, որ պետք է «շեշտը դնի համաժամացման» և «կարգավորել ներկայիս մարտավարությունը»՝ներառելով արդյունավետ կրակ և լայնածավալ մանևրներ բոլոր գործողություններում — բեկումից մինչև ավելի զանգվածային հակահարձակում:
Եթե սա տեղի չունենա, նրա խոսքերով, նույնիսկ Արևմտյան սարքավորումները, որոնք արդեն առկա են և պատրաստվում են առաքվել, ինչպիսիք են ամերիկյան M1 Abrams տանկերը, դժվար թե որոշիչ դեր ունենան երկարաժամկետ հեռանկարում:
