Ի՞նչ կապ կա գենդերային հավասարության և էներգետիկ անցման միջև
Գենդերային իրավահավասարությունը կլիմայական հանելուկի կարևոր մասն է: Եթե կառավարությունները ցանկանում են ջերմոցային գազերի արտանետումները նվազեցնելու և վերականգնվող էներգիային անցման մարտական հնարավորություններ, նրանք պետք է կանանց ավելի շատ հասանելիություն տրամադրեն ներդրումների, կրթության և կապիտալի համար: Այս մասին գրում է հոդվածի հեղինակ Gayle Tzemach Lemmon-ը project-syndicate-ում:
Ջերմոցային գազերի արտանետումները նվազեցնելու և կլիմայի փոփոխության վատթարագույն հետևանքները կանխելու պայքարում աշխարհն ունի հսկայական ռեսուրս, որը հիմնականում մնում է չօգտագործված. կանայք:
Կլիմայի փոփոխության աղետալի հետևանքների կանխարգելումը պահանջում է հասկանալ, թե ինչն է և ով է մղում փոխակերպումները գետնի վրա( what – and who – drives transformation on the ground): Ներդրումներ կատարելը կանանց շրջանում, ինչը նշանակում է կրթության, տնտեսական ներդրումների և կապիտալի հասանելիության բարելավում նրանց համար, կառավարություններին մարտական հնարավորություն է տալիս հասնելու իրենց հավակնոտ կլիմայական նպատակներին:
Մի քանի ուսումնասիրություններ ցույց են տվել, թե ինչպես կարող է գենդերային հավասարության առաջխաղացումը խթանել կլիմայական գործողությունները: Այն պետությունները, որտեղ օրենսդիր մարմնում կանանց ավելի մեծ թվով ներկայացուցչություն ka, ավելի հավանական է, որ հաստատեն բնապահպանական համաձայնագրերն ու պայմանագրերը: Եվ երբ ավելի շատ կանայք են ներգրավված խմբային որոշումների մեջ հողի կառավարման վերաբերյալ, խումբն ավելի շատ է խնայում:
Մաքուր էներգիայի անցումը պահանջում է իշխանության անցում: Կամ, այլ կերպ ասած, էներգահամակարգերի փոփոխությունը պահանջում է իշխանության համակարգերի փոփոխություն: Չնայած այն հանգամանքին, որ պատասխանատու են աշխարհի պարենային արտադրության կեսի համար, կանայք տիրապետում են աշխարհի գյուղատնտեսական հողերի 20%-ից պակասին: Եվ չնայած կանայք կազմում են գյուղատնտեսության աշխատուժի 45%-ը զարգացող երկրներում (և 37%-ը ողջ աշխարհում)՝ նրանք ստանում են ոլորտում ներդրումների միայն 7%-ը: Եթե նրանք արտադրական ռեսուրսների հավասարաչափ հասանելիություն ստանային, ինչ տղամարդիկ, զարգացող երկրներում կանայք կարող էին 20-30%-ով ավելացնել իրենց ֆերմերային տնտեսությունների բերքատվությունը և 100-150 միլիոն մարդու սովից հանել:
Հականեոլիբերալիզմ, կարծես թե աղքատները կարևոր են
Կանայք և աղջիկները անհամաչափ են կրում կլիմայի փոփոխության հետևանքները: Ըստ ՄԱԿ-ի տվյալների՝ կանայք կազմում են կլիմայի փոփոխության պատճառով տեղահանվածների 80%-ը և 14 անգամ ավելի հավանական է, որ մահանան կլիմայի հետ կապված աղետների հետևանքով, քան տղամարդիկ: Իսկ մինչև 2025 թվականը կլիմայի փոփոխությունը կարող է խանգարել առնվազն 12,5 միլիոն աղջիկների ավարտել իրենց կրթությունը(յուրաքանչյուր տարի): Ինչպես նշել է Malala Fund-ը, «կլիմայական ցնցումներից հետո սթրեսային վիճակում գտնվող ընտանիքները հաճախ աղջիկներին հեռացնում են դպրոցից, որպեսզի օգնեն՝ պայմանավորված կենցաղային պարտականությունների ավելացմամբ — ինչպես օրինակ՝ ջուր և վառելափայտ բերելը, կամ վաղ ամուսնությունը՝ կենցաղային սուղ ռեսուրսների բեռը թեթևացնելու համար»: Բոտսվանայում երաշտի ժամանակ դպրոցը թողած երեխաների մոտ 70%-ը աղջիկներ էին, մինչդեռ Եթովպիայում մանկական ամուսնությունները միջինում աճել են 119%-ով այն շրջաններում, որոնք ամենաշատն են տուժում երաշտից:
Երբ եղանակային էքստրեմալ իրադարձությունները խլում են ընտանիքի կերակրողներից իրենց ապրուստի միջոցներն ու տները, նրանք այլևս չեն կարող իրենց թույլ տալ երեխաներին աշխատելու փոխարեն սովորել. երբեմն 11 կամ 12 տարեկան աղջիկները հարսնացու են դառնում: Սա շատերի համար նշանակում է վատնված տաղանդ և կորցրած ներուժ, ինչպես նաև վաղաժամ մայրություն:
Բռնի աշխարհը ավելի քաղցած աշխարհ է
Լավ նորությունն այն է, որ ներդրումները կանանց և աղջիկների շրջանում խոստանում են բարձր եկամուտներ՝ աճի խթանման, ճկունության ձևավորման և հարմարվողականության ջանքերի ուժեղացման առումով: Այս հնարավորությունից օգտվելը, սակայն, պահանջում է երևակայության փոփոխություն և կանանց ավելի տեսանելի դարձնելու համախմբված ջանքեր (հատկապես քաղաքականություն մշակելու հարցում): Եգիպտոսում ՄԱԿ-ի Կլիմայի փոփոխության կոնֆերանսում (COP27) կանայք կազմում էին երկրների թիմերի 34%-ից պակասը: 2020 թվականին կանայք ղեկավարում էին 193 երկրների բնապահպանական նախարարությունների միայն 15%-ը։
Գյուղատնտեսությունում կանանց աջակցելու, աղջիկներին դպրոցում պահելու, կին ձեռներեցներին ֆինանսավորելու և կանանց կողմից ղեկավարվող արտակարգ իրավիճակների տեղեկատվական ցանցերին աջակցելու համար կապիտալի ներդրումը վաղուց էական է համարվում ներառական տնտեսական աճի նպատակին հասնելու համար(Deploying capital to support women in agriculture, keep girls in school, fund women entrepreneurs, and support women-led emergency-information networks has long been recognized as essential to achieve the goal of inclusive economic growth): Բայց դա նաև կնպաստի ջերմոցային գազերի արտանետումների կրճատմանը և գլոբալ տաքացման պահպանմանը Փարիզի կլիմայի համաձայնագրով սահմանված 1,5° Ցելսիուսի սահմաններում:
Պատկերացրեք մի աշխարհ, որտեղ կին ֆերմերները ունեն հավասար հասանելիություն ներդրումներին, կանայք ունեն միջոցներ մաքուր էներգիայի ձեռներեց դառնալու համար, աղջիկները սովորում են հմտություններ, որոնք անհրաժեշտ են նոր կանաչ աշխատատեղերից օգտվելու համար և կանանց կողմից ղեկավարվող ցանցեր, ինչպիսիք են Վանուատուի Women Wetem Weta-ն, տրամադրել վաղաժամ աղետների նախազգուշացումներ՝ իրենց համայնքները պաշտպանելու համար: Սա «ավելին ավելիի դիմաց» աշխարհ է. ավելի շատ երեխաներ են կրթվում, ավելի շատ հասարակություններ կարող են իրենց պահել, և բոլորը կարող են վայելել ավելի մեծ բարգավաճում, անվտանգություն և կայունություն:
Իրականացնելու այս տեսլականը՝ նրանք, ովքեր գտնվում են իշխանության պաժտոններում, պետք է օգտագործեն վտանգի և հնարավորության այս պահը՝ ապահովելու, որ կանայք և աղջիկները կարողանան օգտագործել իրենց ներուժը և դրանով իսկ աջակցել կլիմայի փոփոխության և դրա հետևանքների դեմ համատեղ պայքարին: Էներգետիկ անցումը հնարավորություն է բոլորիս համար։ Դրանից առավելագույնս օգտվելու համար կպահանջվի ներդրումներ կատարել նրանց շրջանում, ովքեր առաջ կմղեն այն:
