Գերմանիայի կանցլեր Օլաֆ Շոլցի այցը Չինաստան
Գերմանիայի կանցլեր Օլաֆ Շոլցը ուրբաթ մեկօրյա այցի ընթացքում Պեկինում հանդիպեց Չինաստանի նախագահ Սի Ծինպինի հետ։ Այս մասին գրում է APNEWS-ը։
Շոլցը, ով ճանապարհորդում է գերմանական մի քանի առաջատար բիզնես առաջնորդների հետ, պաշտոնական ընդունելություն ստացավ Սի Ծինպինի կողմից, որը վերջերս վերանշանակվել էր իշխող Կոմունիստական կուսակցության ղեկավար։
Սի Ծինպինը նշել է, որ Շոլցի այցը տեղի է ունենում այն ժամանակ, երբ կողմերը նշում են դիվանագիտական հարաբերությունների ավելի քան 50 տարին, որոնք սկիզբ են առնում այն ժամանակից, երբ երկրները, չնայած սառը պատերազմի իրենց կատաղի մրցակցությանը, վերսկսեցին տնտեսական փոխանակումները, որոնք մինչ օրս մնում են հարաբերությունների հիմնական մասը:
«Ներկայումս միջազգային իրավիճակը բարդ է և փոփոխական», — Սի Ծինպինի խոսքերը մեջբերել է պետական CCTV հեռուստաընկերությունը՝ առանց կոնկրետ նշելու Ուկրաինան: «Որպես ազդեցիկ տերություններ՝ Չինաստանը և Գերմանիան պետք է միասին աշխատեն փոփոխությունների և քաոսի ժամանակ՝ ավելի շատ ներդրում ունենալու համաշխարհային խաղաղության և զարգացման գործում»:
Իր բացման խոսքում Շոլցն ուղղակիորեն անդրադարձավ հակամարտությանը, որը ստեղծեց միլիոնավոր փախստականներ և խարխլեց պարենի ու էներգիայի համաշխարհային շուկաները՝ ասելով. «Մենք հավաքվում ենք մեծ լարվածության ժամանակ», հաղորդում է գերմանական DPA գործակալությունը:
«Մասնավորապես, ես ուզում եմ ընդգծել Ռուսաստանի պատերազմն Ուկրաինայի դեմ, որը բազմաթիվ խնդիրներ է ստեղծում մեր կանոնների վրա հիմնված աշխարհակարգի համար», — մեջբերում է Շոլցի խոսքերը:
Շոլցը նաև անդրադարձել է գլոբալ սովի, կլիմայի փոփոխության և զարգացող համաշխարհային պարտքի՝ որպես «կարևոր հարցերի», հաղորդում է DPA-ն:
Շոլցը, ով հենվում է իր Սոցիալ-դեմոկրատական կուսակցության, Կանաչների և Ազատ դեմոկրատական կուսակցության կոալիցիայի վրա, քննադատության է ենթարկվել՝ Չինաստան կատարած այցի համար այսքան շուտ ՝ նախորդ ամիս կոնգրեսում 69-ամյա Սիի հաղթանակից հետո։
Ուղևորության ընթացքում Շոլցին ուղեկցում էին մոտ մեկ տասնյակ գերմանական առաջատար բիզնես առաջնորդներ, այդ թվում՝ Volkswagen-ի, BMW-ի, BASF-ի, Bayer-ի և Deutsche Bank-ի գործադիր տնօրենները, որոնց մեծ մասը Չինաստանում բարգավաճող բիզնես է իրականցնում: Շոլցը Պեկինում կհանդիպի նաև ընկերության ներկայացուցիչների հետ:
Այդ պատճառով որոշ գերմանացի հետազոտողներ հարց են առաջ քաշում, թե արդյոք երկիրը դառնում է չափից ավելի կախված չինական շուկայից, ինչպես դա արեց Ռուսաստանի հետ էներգակիրների մատակարարման հարցում:
Ճաշից հետո Շոլցը և նրա պատվիրակությունը պետք է հանդիպեին վարչապետի հետ, ով անվանապես պատասխանատու է Չինաստանի տնտեսության համար:
Չնայած նրանց քաղաքական վեճերին, Շոլցի այցը արտացոլում է Գերմանիայի առևտրային կապերի կարևորությունը աշխարհի երկրորդ խոշոր տնտեսության հետ:
