Մոդին և Էրդողանը անսպասելի հանդիպում են ունեցել տարածաշրջանային գագաթնաժողովում
Հնդկաստանի վարչապետ Նարենդրա Մոդին ուրբաթ օրը տարածաշրջանային գագաթնաժողովի շրջանակներում հանդիպել է Թուրքիայի նախագահ Թայիփ Էրդողանին։ Սա վերջին երկու տարվա ընթացքում նրանց առաջին հանդիպումն է այն բանից հետո, երբ հարաբերությունները սրվեցին վիճելի Քաշմիրի շրջանի (մեծամասնությամբ մահմեդական) վերաբերյալ Էրդողանի մեկնաբանություններից հետո: Գրում է The Jerusalem Post-ը։
Ե՛վ Հնդկաստանը, և՛ Պակիստանը հավակնում են Քաշմիրին ամբողջությամբ, բայց կառավարում են դրա միայն մի մասը:
«Երկու ղեկավարները քննարկել են տարբեր ոլորտներում երկկողմ համագործակցությունը խորացնելու ուղիները», — գրել է Մոդիի գրասենյակը Twitter-ում՝ տեղադրելով նրա լուսանկարը, որտեղ նա սեղմում է Էրդողանի հետ ձեռքը Ուզբեկստանում Շանհայի համագործակցության կազմակերպության (ՇՀԿ) տարածաշրջանային անվտանգության խմբի գագաթնաժողովի շրջանակներում:
Հանդիպումը ներառված չի եղել Մոդիի՝ գագաթնաժողովի համար նախնական ժամանակացույցում, որը տարածվել է Հնդկաստանի արտաքին գործերի նախարարության կողմից լրագրողների հետ:
Ավելի ուշ նախարարությունը Twitter-ում հայտնել է, որ երկու առաջնորդները «գնահատել են երկկողմ առևտրի վերջին ձեռքբերումները, ինչպես նաև մտքեր են փոխանակել տարածաշրջանային և գլոբալ զարգացումների վերաբերյալ»:
