Բրազիլական աշխատավորական կուսակցության նախագահի թեկնածուն Լուլան է
Բրազիլիայի նախկին նախագահ Լուիս Ինասիու Լուլա դա Սիլվան ( հայտնի է որպես Լուլա ) Բրազիլիայի աշխատավորական կուսակցության նախագահի թեկանածուն է, — հայտնել են կուսակցությունից։
Բրազիլիայի նախագահական ընտրությունները հոկտեմբերի 2-ին են, և սպասվում է, որ Լուլան կպայքարի ներկայիս նախագահ Բոլսոնարուի հետ։ Հայտնում է CNN-ը։
Նախագահի պաշտոնում նրա թեկնածությունը սպասվում էր։ Ինքը՝ Լուլան, ներկա չէր Սան Պաուլոյում կուսակցության համագումարին, քանի որ քարոզարշավ էր իրականացնում Պերնամբուկո նահանգում։ Լուլան վերջին անգամ նախագահել է 2003-2010 թթ․-ին։
76 տարեկան Լուլան խոստացել է «վերակառուցել Բրազիլիան»։ Նա ավելացրել է. «Ես կարիք չունեի կրկին նախագահ դառնալ: Ես կարող էի պահպանել պատմության լավագույն նախագահի տիտղոսը և խաղաղ ապրել կյանքիս վերջին մի քանի տարիները: Ես տեսա, որ այս երկիրը ավերված է: Ես տեսա, որ կրթությունը ղեկավարվում էր մի տղայի կողմից, ով չէր սիրում կրթությունը։ Ուստի ես որոշեցի վերադառնալ»:
2022 թվականի մրցավազքը Լուլայի ուշագրավ պատմության վերջին շրջադարձն է որպես Բրազիլիայի ամենախարիզմատիկ քաղաքական գործիչներից մեկը, ով կարդալ չի սովորել մինչև 10 տարեկանը և թողել է դպրոցը հինգերորդ դասարանից ՝ լրիվ դրույքով աշխատելու համար:
Նախագահի պաշտոնի համար երեք ձախողված հայտ պահանջվեց, մինչև դա Սիլվան հաղթեց 2002 թվականի նախագահական ընտրությունների երկրորդ փուլում՝ ստանալով ձայների 61,3%-ը:
Վերընտրվելով 2006 թվականին՝ նա ի վերջո լքեց պաշտոնը 2011 թվականի հունվարին՝ 90% հավանության վարկանիշով։ Նրա նախագահության տարիներին միլիոնավոր բրազիլացիներ կարողացան հաղթահարել աղքատությունը։ Սակայն նրա բախտը երկար չտևեց։
2011 թվանին նա հաղթահարեց կոկորդի քաղցկեղը, իսկ 2017-ին մեղադրվեց կոռուպցիայի և փողերի լվացման մեջ։ Դա պայմանավորված էր պետական Petrobras նավթային ընկերության դեմ լայնածավալ հետաքննությամբ։ Նրա իրավական խնդիրները շարունակվեցին մինչև 2018 թվականի ապրիլը, երբ նա հանձնվեց դաշնային իշխանություններին և դատապարտվեց 12 տարի ազատազրկման։ Այնուամենայնիվ, 2021 թվականի մարտին դատարանը մերժեց նրա դատավճիռը՝ ճանապարհ բացելով նրա քաղաքական վերելքի համար։ Վերջին հարցումներն ցույց են տալիս, որ Լուլան նախագահական մրցավազքում առաջ է անցել՝ հավաքելով ձայների 46%-ը, ընդդեմ Բոլսոնարոյի՝ 29%-ի,- հայտնում է CNN Brazil-ը: