Աշխարհի 10 ամենահզոր բանակները

Ներկայացնում  են  աշխարհի  ամենամեծ  ռազմական  բյուջե  ունեցող  երկրների  տասնյակը:

1.  ԱՄՆ  –  561  մլրդ  դոլար

2016  թ.  ԱՄՆ  ռազմական  բյուջեն  կրկին  ամենամեծն  է  աշխարհում,  այն  կազմելու  է  561  մլրդ  դոլար,  սակայն  վերջին  տարիներին  այն  բավականին  կրճատվել  է.  2013  թ.  կազմում  էր  640  մլրդ:  Այնուհանդերձ  ԱՄՆ-ը  ռազմական  բյուջեն  ավելի  մեծ  է,  քան  նրան  հաջորդող  տասը  երկրների  ընդհանուր  ռազմական  ծախսերը:    

Ամերիկյան  զինուժի  գլխավոր  խաղաքարտը  19  ավիրակիրներից  կազմված  նավատորմն  է: 

ԱՄՆ-ը  զորակազմը  1,43  մլն  զինվորներից  է  և  850  հազար  կադրային  պահուստից:  ԱՄՆ  միջուկային  տերություն  է:

2.  Չինաստան  -188  մլրդ  դոլար

Չինաստանը  վերջին  տարիներին  անընդմեջ  ընդլայնում  է  իր  ռազմական  բյուջեն.  այն  արդեն  կազմում  է  188  մլրդ  դոլար: 

Չինաստանտ  ակտիվորեն  զարգացնում  է  արտադրական  և  զինվորական  լրտեսությունը,  ինչը  հնարավորություն  է  տալիս  նրան  ստեղծելու  այլ  երկրների  լավագույն  ռազմական  տեխնիկայի  կրկնօրինակներ: 

ՉԺՀ  զինուժը  կազմված  է  2,285  մլն  զինվորականներից  և  2,3  մլն  պահեստայիններից:  Չինաստանը  միջուկային  տերություն  է:

3.  Ռուսաստան  –  87,8  մլրդ  դոլար

ԽՍՀՄ  անկումից  հետո  ՌԴ  զինուժը  բավականին  թուլացել  էր,  սակայն  վերջին  տարիներին  համակարգված  աշխատանք  է  ընթանում  ռազմական  ոլորտը  կրկին  զարգացնելու  համար:  Արդեն  2008  թ.  ռազմական  ծախսերը  գրեթե  երեք  անգամ  աճեցին,  նախատեսվում  է  ևս  44  տոկոսով  ընդլայնել  առաջիկա  երեք  տարիների  ընթացքում:

Ռուսական  բանակն  առաջատարն  է  տանկերի  թվաքանակով  (մոտ  15,5  հազար):

Ակտիվ  զինուժը  կազմում  է  ավելին  քան  766  հազար,  իսկ  կադրային  պահուստը՝  2,485  մլն:  ՌԴ  միջուկային  տերություն  է:

4.  Սաուդյան  Արաբիա  –  67  մլրդ  դոլար

Սաուդյան  Արաբիայի  ռազմական  բյուջեն  վերջին  տարիներին  անդադար  ընդլայնվում  է:  2006  թվականից  այն  կրկնապատկվել  է՝  31  մլրդից  մինչև  67  մլրդ  դոլար:

Երկիրը  մեծ  թվով  զինամիջոցներ  է  գնում,  հիմնականում  ԱՄՆ-ից,  այդ  թվում  F-15  կործանիչներ:

Սաուդյան  Արաբիայի  զինուժի  ակտիվ  անձնակազմը  233.5  հազար  է:

5.  Ֆրանսիա  –  61,2  մլրդ  դոլար

Ֆրանսիան  ակտիվորեն  մանակցում  է  աշխարհի  տարբեր  մասերում  կատարվող  օպերացիաներին,  ներառյալ  Կենտրոնական  Աֆրիկան,  Չադը,  Մալին,  Սենեգալը  և  այլ  երկրներ: 

Վերջին  երկու  տարվա  ընթացքում  Ֆրանսիայի  ռազմական  բյուջեն  43  մլրդից  հասցվել  է  մինչև  61,2  մլրդ  դոլարի:  Երկրի  2015  թ.  ռազմական  բյուջեով  նախատեսում  է  գնել  զգալի  սպառազինություն,  որը  2014  թ.  զինուժի  բարեփոխումների  նախագծի  շարունակությունն  է: 

Երկրի  զինուժի  ակտիվ  անձնակազմը  215  հազար  է,  իսկ  կադրային  պահուստը՝  28  հազար: Ֆրանսիա  միջուկային  տերություն  է:

6.  Մեծ  Բրիտանիա  –  57.9  մլրդ  դոլար

Մեծ  Բրիտանիան  նախատեսում  է  մինչև  2018  թ.  կրճատել  իր  զինուժի  թվաքանակը  ինչև  20  տոկոս,  որոշակիորեն  կկրճատվի  նաև  Թագավորական  նավատորմն  ու  Ռազմաօդային  ուժերը:  2013  թ.  ռազմական  բյուջեն  կազմել  է  57.9  մլրդ  դոլար: 

Երկրի  զինուժի  ակտիվ  անձնակազմը  205.3  հազար  է,  իսկ  կադրային  պահուստը՝  188  հազար: Մեծ Բրիտանիան  միջուկային  տերություն  է:

7.  Գերմանիա  –  48.8  մլրդ  դոլար

Երկրորդ  աշխարհամարտի  ավարտից  հետո  Գերմանիայի  ազգաբնակչությունը  հիմնականում  հակառազմական  տրամադրություններ  ունի:  2011  թ.  Գերմանիայում  պարտադիր  զինվորական  ծառայությունը  հանված  է,  նպատակ  է  դրված  ձևավորելու  պրոֆեսիոնալ  բանակ:

Գերմանիան  մասնակցում  է  միջազգային  ռազմական  օպերացիաների  աշխարհի  տարբեր  հատվածներում:  Երկիրի  2013  թ.  ռազմական  բյուջեն  բավականին  մեծ  է՝  48,8  մլրդ  դոլար: 

Երկրի  զինուժի  ակտիվ  անձնակազմը183  հազար  է,  իսկ  կադրային  պահուստը՝  145  հազար: 

8.  Ճապոնիա  –  48.6  մլրդ  դոլար

Ճապոնիան  Երկրորդ  աշխարհամարտի  ավարտից  տասնյակ  տարիներ  անց  ընդլայնում  է  իր  ռազմական  ներուժը,  ինչը  թելադրված  է  հարևան  Չինաստանի  հետ  ակտիվ  տարածքային  վեճերի  հետ:  Երկրի  2013  թ.  բյուջեն  կազմել  է  48.6  մլրդ  դոլար: 

Ճապոնական  բանակը  սպառազինության  խնդիր  չունի.  շուրջ  1595  ինքնաթիռները  և  131  ռազմանավերը  նրա  հիմնական  ներուժն  են:  Սակայն  համաձայն  սահմանադրության  բանակը  չի  կարող  հարձակողական  գործողություններ  իրականացնել:

Երկրի  զինուժի  ակտիվ  անձնակազմը  247  հազար  է,  իսկ  կադրային  պահուստը՝  57,9  հազար: 

9.  Հնդկաստան  –  47.4  մլրդ  դոլար

Բանակի  արդիականացման  համար  Հնդկաստանը  զգալի  միջոցներ  է  ծախսում:  Երկիրը  ռազմական  տեխնիկայի  խոշորագույն  ներմուծողն  է:  2013  թ.  ռազմական  բյուջեն  կազմել  է  47.4  մլրդ  դոլար: 

Երկրի  զինուժի  ակտիվ  անձնակազմը  1,33  մլն  է,  իսկ  կադրային  պահուստը՝  2,14  մլն: Հնդկաստանը  միջուկային  տերություն  է:

10.  Հարավային  Կորեա  –  33.9  մլրդ  դոլար

Հարավային  Կորեան  հարկադրված  է  ընդլայնել  իր  ռազմական  ծախսերը,  քանի  որ  հարևան  երկրները՝  Ճապոնիան  և  Չինաստանը  լուրջ  մրցակիցներ  են,  իսկ  Հյուսիսային  Կորեայից  բխող  սպառնալիքը  երբեք  չի  մարում: 

Ռազմական  բյուջեն  շուրջ  33.9  մլրդ  դոլար  է: 

Երկրի  զինուժի  ակտիվ  անձնակազմը  640  հազար  է,  իսկ  կադրային  պահուստը՝  2,9  մլն:

Քաղաքագետ Արմեն Բադալյան