Իսրայելը մերժո՞ւմ է հրադադարի համաձայնագիրը
Իսրայելի վարչապետ Բենիամին Նեթանյահուն հինգշաբթի օրը մերժել է ԱՄՆ-ի և Ֆրանսիայի առաջարկը՝ եռշաբաթյա զինադադար հաստատել Հեզբոլլահի հետ՝ խոստանալով շարունակել մարտերը «ամբողջ ուժով»: Այս մասին գրում է POLITICO-ն:
«Զինադադարի մասին լուրերը չեն համապատասխանում իրականությանը», — գրել է Նեթանյահուն սոցիալական ցանցերում: «Սա ամերիկա-ֆրանսիական առաջարկ է, որին վարչապետը նույնիսկ չի արձագանքել»:
Սպիտակ տունը չորեքշաբթի երեկոյան հայտարարեց Իսրայելի և Հեզբոլլահի միջև ռազմական գործողությունները ժամանակավոր (21 օրով) դադարեցնելու առաջարկի մասին։
Ծրագիրը մշակվել է այս շաբաթ ԱՄՆ-ի և Ֆրանսիայի կողմից Նյու Յորքում ՄԱԿ-ի Գլխավոր ասամբլեայի ժամանակ և ստացել է դաշնակիցների և տարածաշրջանի այլ երկրների աջակցությունը, ներառյալ Ավստրալիան, Կանադան, Գերմանիան, Սաուդյան Արաբիան և Քաթարը:
Նեթանյահուն հավելել է, որ Իսրայելի պաշտպանական ուժերը (IDF) «ամբողջ ուժով կշարունակեն մարտերը» երկրի հյուսիսում, որը սահմանակից է Լիբանանին, և Գազայում «մինչև պատերազմի բոլոր նպատակները ձեռք բերվեն»։
Լարվածությունը Իսրայելի և Հեզբոլլահի միջև, որոնք գրեթե ամեն օր փոխանակում են հրթիռակոծություններ ՀԱՄԱՍ-ի կողմից Իսրայելի դեմ հոկտեմբերի 7-ի դաժան հարձակումից հետո, հասել են եռման այն բանից հետո, երբ անցած շաբաթ Հեզբոլլահի անդամներին պատկանող կապի սարքերը հեռահար պայթեցվել են, ինչի հետևանքով տասնյակ մարդիկ են զոհվել և հազարավորները վիրավորվել: Հեզբոլլահը հարձակման մեջ մեղադրել է Իսրայելին. Իսրայելը հրաժարվել է պատասխանատվություն ստանձնել։
Իսրայելի ավիահարվածների հետևանքով Լիբանանում հարյուրավոր մարդիկ են զոհվել, հազարավոր մարդիկ վիրավորվել և մոտ կես միլիոն լիբանանցիներ տեղահանվել են:
