Աշխարհի 10 ամենախելացի քաղաքները
Եվրոպայի և Ասիայի խելացի քաղաքները համաշխարհային մասշտաբով առաջատար դիրքերում են, մինչդեռ հյուսիսամերիկյան քաղաքները զիջում են դիրքերը՝ համաձայն 2024 թվականի ապրիլին հրապարակված Smart City Index-ի: Գրում է CNBC-ին։
Ցուցակի լավագույն 10 խելացի քաղաքներից յոթը եղել են Եվրոպայում:
Այս տարվա ինդեքսը մշակվել է IMD World Competitiveness Center-ի Smart City Observatory-ի կողմից՝ Համաշխարհային խելացի կայուն քաղաքների կազմակերպության (WeGO) հետ համագործակցությամբ, որը տեղակայված է Սեուլում, Հարավային Կորեա:
Զեկույցը դասակարգում է աշխարհի 142 խելացի քաղաքներ՝ հիմնված հետազոտողների կողմից վերլուծված տվյալների, ինչպես նաև յուրաքանչյուր քաղաքի 120 բնակիչների հարցման պատասխանների վրա: Ուսումնասիրությունը նկարագրում է այն մասին, թե ինչպես են քաղաքում առկա ենթակառուցվածքները և տեխնոլոգիաները ազդում քաղաքի աշխատանքի և նրա բնակիչների կյանքի որակի վրա:
Այսպիսով, ի՞նչ է խելացի քաղաքը
Համաձայն IMD-ի՝ խելացի քաղաքը սահմանվում է որպես «քաղաքային միջավայր, որը կիրառում է տեխնոլոգիաներ՝ բարձրացնելու օգուտները և նվազեցնելու ուրբանիզացիայի թերությունները իր քաղաքացիների համար»:
Այն քաղաքները, որոնք լավ են հանդես գալիս ցուցակում, մշակել են նաև նախաձեռնություններ, որոնք ապահովում են իրենց քաղաքացիների կյանքի ընդհանուր որակը:
Ահա 10 լավագույն խելացի քաղաքները՝ ըստ 2024 թվականի Smart City Index-ի:
1․Ցյուրիխ, Շվեյցարիա
2․Օսլո, Նորվեգիա
3․Կանբերա, Ավստրալիա
4․Ժնև, Շվեյցարիա
5․Սինգապուր
6․Կոպենհագեն, Դանիա
7․Լոզան, Շվեյցարիա
8․Լոնդոն, Անգլիա
9․Հելսինկի, Ֆինլանդիա
10․Աբու Դաբի, Արաբական Միացյալ Էմիրություններ
