Սպառնալիք ժողովրդավարությանը
Ելույթ ունենալով Ժողովրդավարության գագաթնաժողովի բացմանը` Յունն ասաց, որ երկրները պարտավոր են կիսել փորձը և իմաստությունը, որպեսզի արհեստական բանականությունն ու տեխնոլոգիաները կարողանան օգտագործել ժողովրդավարությունը խթանելու համար: Գրում է EURACTIV-ը։
Երկրների միջև տեխնոլոգիական անհավասարությունը մեծ մարտահրավեր է, ասաց Յունը՝ նկարագրելով այն որպես հիմնական դեպք, թե ինչպես որոշ երկրներ հետ են մնում տնտեսական բարգավաճումից և չեն կարողանում առաջընթաց գրանցել ժողովրդավարության հարցում:
«Արհեստական բանականության և թվային տեխնոլոգիաների վրա հիմնված կեղծ լուրերն ու ապատեղեկատվությունը ոչ միայն խախտում են անհատի ազատությունն ու մարդու իրավունքները, այլև սպառնում են ժողովրդավարական համակարգերին», — ասել է Յունը:
Հարավային Կորեայում տեղի է ունենում «Ժողովրդավարության համար» երրորդ գագաթնաժողովը, որը ԱՄՆ նախագահ Ջո Բայդենի նախաձեռնությունն է։ Գագաթնաժողովի նպատակն է քննարկել ժողովրդավարական հետընթացը և իրավունքների ու ազատությունների էրոզիան դադարեցնելու ուղիները։
Ակնկալվում է, որ եռօրյա հանդիպումների հիմնական օրակարգը կլինեն ժողովրդավարությանը սպառնացող թվային սպառնալիքները և այն, թե ինչպես տեխնոլոգիաները կարող են խթանել ժողովրդավարությունը և մարդու համընդհանուր իրավունքները:
«Քանի որ ավտորիտար և ռեպրեսիվ ռեժիմները օգտագործում են տեխնոլոգիաներ՝ խաթարելու ժողովրդավարությունը և մարդու իրավունքները, մենք պետք է ապահովենք, որ տեխնոլոգիաները պահպանեն և աջակցեն ժողովրդավարական արժեքներին և նորմերին», — գագաթնաժողովում ասաց ԱՄՆ պետքարտուղար Էնթոնի Բլինքենը:
