Թրամփի հայտարարությունը, որին ոչ ոք պատրաստ չէր
Եվրոպական առաջնորդները թերահավատությամբ արձագանքեցին ԱՄՆ նախկին նախագահ Դոնալդ Թրամփի՝ շաբաթ օրը հնչեցրած մեկնաբանություններին, որ նա «կխրախուսի» Ռուսաստանին հարձակվել ՆԱՏՕ-ի ցանկացած անդամի վրա, որը բավարար գումար չի վճարել պաշտպանության համար: Գրում է POLITICO-ն:
«Ցանկացած առաջարկ, որ դաշնակիցները միմյանց չեն պաշտպանի, խաթարում է մեր անվտանգությունը», — կիրակի նորվեգական TV2 հեռուստաալիքին ասել է ՆԱՏՕ-ի գլխավոր քարտուղար Յենս Ստոլտենբերգը։
«Ես ակնկալում եմ, որ ԱՄՆ-ը կմնա ՆԱՏՕ-ի ուժեղ և նվիրված դաշնակիցը, ով էլ հաղթի նախագահական ընտրություններում»,- ասել է նա։
Քաղաքական նոր ճգնաժամ է հասունանում
Թրամփը շաբաթ օրը Հարավային Կարոլինայում նախընտրական հանրահավաքի ժամանակ ասել է, որ մինչ ինքը նախագահ էր, նա ասել է ՆԱՏՕ-ի առաջնորդներին, որ «կխրախուսի [Ռուսաստանին] անել այն, ինչ ուզում են» դաշինքի դաշնակիցների հետ, որոնք «խախտել են» խմբի պաշտպանական ծախսերի թիրախները:
Ներքին շուկայի հանձնակատար Թիերի Բրետոնը ասել է ֆրանսիական TF1 հեռուստաալիքին. «Մենք չենք կարող 4 տարին մեկ խաղարկել մեր անվտանգությունը… Ամերիկայի ժողովրդավարությունը հիվանդ է»:
Գերմանիայի արտաքին գործերի նախարարությունը Թրամփի մեկնաբանություններին արձագանքել է «Մեկը բոլորի համար և բոլորը մեկի համար» X-ի գրառմամբ («StrongerTogether» հեշթեգով)։
Լեհաստանի փոխարտգործնախարար Պավել Զալևսկին Թրամփի մեկնաբանություններն անվանել է «շատ մտահոգիչ»։
«Նա ճիշտ է կոչ անում անդամ երկրներին ավելի շատ ծախսել պաշտպանության վրա, բայց նաև կոչ է անում Ռուսաստանին հարձակվել», — ասել է Զալևսկին POLITICO-ին տված հարցազրույցում։ «Սա լրիվ անհասկանալի է»:
