Կառաքվե՞ն հակաօդային պաշտպանության համակարգեր

Ուկրաինա հակաօդային պաշտպանության մարտկոցներ ձեռք բերելու մրցավազքը շարունակվում է, բայց կարծես թե դրանք չեն գա Իսպանիայից կամ Հունաստանից: Գրում է POLITICO-ն։

Մադրիդը չի վերատեղակայի իր երեք Patriot-ներից մեկը Ուկրաինա, հայտնում է իսպանական El País-ը, փոխարենը պարտավորվում է ուղարկել միայն հրթիռներ, որոնք կարող են օգտագործվել «երկիր-օդ» համակարգի գոյություն ունեցող տարբերակներում:

Միևնույն ժամանակ, Աթենքը նույնպես հրաժարվում է համակարգի ներդրումից։

«Հունաստանը չի պատրաստվում S-300 կամ Patriot ուղարկել Ուկրաինա»,- հինգշաբթի ուշ երեկոյան Skai հեռուստաալիքին տված հարցազրույցում ասել է Հունաստանի վարչապետ Կիրիակոս Միցոտակիսը, փոխանցում է Reuters-ը։

Վերջին օրերին հունական լրատվամիջոցները հայտնել էին, որ հնարավոր է փոխանակման գործարք, որի միջոցով Միացյալ Նահանգները կհամաձայնի փոխարինել կամ Patriot համակարգը, որը Աթենքում է, կամ խորհրդային ժամանակաշրջանի անգործուն S-300 համակարգը, որը տեղակայված է Կրետե կղզում, որպեսզի նրանք կարողանան  առաքվել Ուկրաինա։

«Մեզ հարցրել են, և մենք բացատրել ենք, թե ինչու չենք կարող դա անել», — ասել է Միցոտակիսը՝ բացատրելով, որ համակարգերը «կարևոր են մեր զսպման կարողության համար»:

Գերմանիայի պաշտպանության նախարար Բորիս Պիստորիուսն այս շաբաթ ասաց, որ «ակնկալում է» երկրներից խոստում՝ հավելելով, որ «չի կարող հասկանալ» Իսպանիայի և Հունաստանի նմանների մերժումը։