ԱՄՆ-Սերբիա հարաբերություններում լուրջ տեղաշարժեր են նկատվում
Սերբիան և ԱՄՆ-ն ակնկալում են ռազմավարական գործընկերություն, որը նույնիսկ կբացի վիզայի ազատականացման հնարավորությունը երկու երկրների միջև, ասել է ԱՄՆ-ում Սերբիայի դեսպանը Kurir-ին տված հարցազրույցում։ Գրում է EURACTIV-ը:
Դեսպանը հանդիպել է Պետքարտուղարության հատուկ խորհրդական Դերեկ Սքոլի հետ։
«ԱՄՆ-ում մեր երկկողմանի շփումը չափազանց դրական է։ Նա բարձր է գնահատել Սերբիայի նախագահի ներդրումը Բելգրադի և Պրիշտինայի միջև հարաբերությունների կայունացման հարցում։ Մենք դիտարկել ենք նաև երկկողմ համագործակցության հարցը։ Մենք քննարկել ենք Սերբիայի և ԱՄՆ-ի միջև ռազմավարական երկխոսության մեկնարկի հնարավոր ժամկետները։ Դա նշանակալից առաջընթաց կլինի մեր հարաբերություններում և կներկայացնի ինստիտուցիոնալ համագործակցության նոր փուլ»,- ասել է դեսպանը։
Նրա խոսքով, սա նշանակում է սերբական և ամերիկյան տարբեր կառույցների միացում՝ ապագայում ԱՄՆ-ի հետ վիզայի ազատականացման հասնելու համար։
Դա նաև թույլ կտա ԱՄՆ-ի հետ կրկնակի հարկման վերաբերյալ համաձայնության հասնել, որը դռները կբացի Սերբիայում ամերիկացի գործարարների և Ամերիկայում սերբ գործարարների համար, հավելել է նա։ Նախատեսված է նաև համագործակցության բարելավումը տեխնոլոգիաների շրջանակում։
«Ես չեմ կարող խոսել պայմանների և ժամկետների մասին, բայց հենց այն փաստը, որ վիզաների ազատականացման շուրջ բանակցություններ են սկսվել, դրական ազդանշան է։ Ոչ միայն քաղաքացիների, այլ նաև գործարար համայնքի համար»,- նշել է Սերբիայի դեսպանը։
Սերբիան մտադիր է շարունակել ինտենսիվորեն խորացնել հարաբերությունները ԱՄՆ-ի հետ, նշում է նա։
«Մեր քաղաքականության հենասյուները տնտեսական փոխանակումն է, որին մենք հասնում ենք, և այն զգալիորեն աճում է նաև բարձր տեխնոլոգիաների ոլորտում։ Կցանկանայի նաև նշել անվտանգության ոլորտում համագործակցությունը, որը մենք անում ենք։ Պայմանները հասունացել են սերբ-ամերիկյան հարաբերություններում բոլորովին նոր էջ ստեղծելու համար»,- ասել է նա։
Դեսպանը նաև նշել է, որ ամեն օր փորձում է փոխել Ամերիկացիների պատկերը Սերբիայի նկատմամբ։
«Դա գործընթաց է. Եկեք երբեք չթերագնահատենք, թե որքան ցածր է այն կետը, որից մենք սկսում ենք: Սերբիայի մասին երեք տասնամյակների բացասական լուրերը խոր հետք թողեցին։ Ես նրանց տեղեկացնում եմ այն մասին, թե Սերբիան այժմ կենտրոնացած է մեր ինստիտուտների բարելավման վրա, որ մեր քաղաքացիների ցանկությունն է, որ երկիրը զարգանա, կառուցի ստանդարտներ և արժեքներ, որոնք լիովին համարժեք են և համատեղելի Եվրոպական ու Ամերիկյան չափանիշներին»,- ընդգծեց դեսպանը:
