Կիևը կոչ է անում Սև ծովը վերածել «ՆԱՏՕ-ի ծովի»
ՆԱՏՕ-ն պետք է ավելի մեծ դեր խաղա Սև ծովի անվտանգության հարցում և ինտեգրի Ուկրաինայի հակաօդային և հակահրթիռային պաշտպանությունը դաշինքի անդամների հետ, հինգշաբթի (13 ապրիլի) հայտարարել է Ուկրաինայի արտաքին գործերի նախարար Դմիտրի Կուլեբան: Այս մասին գրում է EURACTIV-ը:
Սև ծովը և նրա ուկրաինական ափերը եղել են պատերազմի կարևորագույն թատերաբեմեր անցյալ տարի Ռուսաստանի՝ Ուկրաինա ներխուժումից հետո:
«Սև ծովը գործիք է ամբողջ Եվրոպան խաղաղ և ապագային միտված դարձնելու համար», — ասել է Կուլեբան՝ խոսելով տեսահոլովակի միջոցով Ռումինիայի մայրաքաղաք Բուխարեստում կայացած Սև ծովի անվտանգության համաժողովում:
«Ցավոք սրտի, դա նաև ցույց է տալիս, թե ինչ արագությամբ կարող են վատթարանալ իրերը, եթե մեկը անտեսում է սպառնալիքները: Ժամանակն է Սև ծովը վերածել Բալթիկ ծովի՝ ՆԱՏՕ-ի ծովի»:
Ե՛վ Մոսկվան, և՛ Կիևը առևտրի համար ապավինում են ծովին,ներառյալ հացահատիկի շուկաների մատակարարումը որպես սննդամթերքի աշխարհի երկու խոշորագույն արտահանողներ: Նախորդ տարի Ռուսաստանի շրջափակումը սպառնում էր համաշխարհային պարենային ճգնաժամի պատճառ դառնալ, քանի դեռ ՄԱԿ-ը և Թուրքիան չմիջնորդեցին նավահանգիստները բաց պահելու համաձայնագիրը, իսկ դիվանագիտությունը շարունակվում է երկարաձգել այն:
«Մենք պետք է միասին անդրադառնանք Ռուսաստանի ընդհանուր խնդրին», — ասել է Կուլեբան: «Օրինակ, ես պաշտպանում եմ Ուկրաինայի հակաօդային և հակահրթիռային պաշտպանության համակարգերը ՆԱՏՕ-ի Սև և Բալթյան դաշնակիցների համակարգերի հետ ինտեգրելու փորձագիտական գաղափարը»:
ՆԱՏՕ-ի գլխավոր քարտուղարի տեղակալ Միրչա Ջեոանան ուղղակիորեն չի մեկնաբանել Կուլեբայի կոչը, սակայն ավելի ուշ ասել է, որ դաշինքը շարունակել է ուժեղացնել իր ներկայությունը Սևծովյան տարածաշրջանում:
Եվրամիության հետ համատեղ աշխատանքային խումբ է ստեղծվել, որը կզբաղվի կարևորագույն ենթակառուցվածքներով, ասաց նա:
«Ես խրախուսում եմ սևծովյան տարածաշրջանի երկրներին ընդունել և ակտիվ լինել այս նոր ձևաչափում, քանի որ Սև ծովն ունի ենթակառուցվածքներ… մենք պետք է պաշտպանենք», — ասաց Ջոանան:
Ռումինիայի արտաքին գործերի նախարար Բոգդան Աուրեսկուն ասել է, որ Սև ծովում ՆԱՏՕ-ի ամուր հենարանը «պարտադիր» է, և իր երկիրը կշարունակի աշխատել ՆԱՏՕ-ի դաշնակիցների հետ և զարգացնել ռոտացիոն ներկայությունը Սև ծովում:
