ԱՄՆ-ը հայտարարում է Ուկրաինային 725 մլն դոլարի ռազմական օգնության նոր փաթեթի մասին
ԱՄՆ-ը Ուկրաինային կուղարկի լրացուցիչ 725 միլիոն դոլարի զենքի և այլ ռազմական օգնության փաթեթ, հայտարարել է Սպիտակ տունը։ ԱՄՆ պետքարտուղար Անտոնի Բլինկենն ուրբաթ իր հայտարարության մեջ ասել է, որ օգնությունը հետևում է «Ռուսաստանի դաժան հրթիռային հարձակումներին Ուկրաինայում խաղաղ բնակիչների վրա» և «Ռուսաստանի զորքերի վայրագությունների աճող ապացույցներից հետո»: Գրում է AL JAZEERA-ն։
ԱՄՆ-ի ընդհանուր ռազմական օգնությունն Ուկրաինային հասնում է 18,3 միլիարդ դոլարի։
ԱՄՆ-ն Ուկրաինա է ուղարկել 20 HIMARS և խոստացել է ևս 18-ը, որոնք կմատակարարվեն առաջիկա տարիներին։ HIMARS-ը ապացուցել է կարևորագույն զենք լինելու հանգամանքը , որը բարելավել է Ուկրաինայի կարողությունը՝ հարվածելու զինամթերքի պահեստներին, կամուրջներին և այլ հիմնական թիրախներին, որոնք խաթարում են Ռուսաստանի կարողությունը՝ համալրելու զորքերը:
Պաշտոնյաներն ասում են, որ ԱՄՆ-ի նոր փաթեթը հիմնականում ուղղված է զինամթերքի հազարավոր արկերի համալրմանը այն սպառազինության համակարգերի համար, որոնք Ուկրաինան հաջողությամբ օգտագործում է Ռուսաստանի դեմ իր հակահարձակման ժամանակ, քանի որ պատերազմը ձգվում է ութերորդ ամիսը:
Ուկրաինայի հրատապ կարիքները շարունակում են մնալ լրացուցիչ հակաօդային պաշտպանության միջոցները, ասված է պաշտպանության նախարարության հայտարարության մեջ։
«Ռուսները հարյուրավոր հրթիռներ են արձակել Ուկրաինայի խոշոր քաղաքների ուղղությամբ։ Ուկրաինական ուժերը որոշակի հաջողություններ են գրանցել հրթիռները խոցելու հարցում, սակայն նրանց անհրաժեշտ են ավելի շատ հակաօդային պաշտպանության կարողություններ»,- ասված է հայտարարության մեջ։
ԱՄՆ-ի օգնության հայտարարությունը սահմանում է դաշնակիցների մի շարք պարտավորություններ այս շաբաթ: Միացյալ Թագավորությունը, Գերմանիան, Ֆրանսիան և այլ երկրներ նույնպես զինամթերք կտրամադրեն Ուկրաինային։
