Չինաստանում անշարժ գույքի ճգնաժամը խորանում է
Չինաստանի կենտրոնական բանկը նվազեցրել է իր հիփոթեքային տոկոսադրույքը, քանի որ պաշտոնյաները աշխատում են աջակցել ճգնաժամից տուժած անշարժ գույքի շուկային: Հայտնում է BBC-ին։
Չինաստանի Ժողովրդական բանկը նվազեցրել է հնգամյա վարկի հիմնական տոկոսադրույքը 1,5 տոկոսային կետով, ինչը համապատասխանում է իր ռեկորդային ամենամեծ կրճատմանը:
Աշխարհի մեծությամբ երկրորդ տնտեսությունը կանգնած է գույքի ճգնաժամի առաջ, որի պատճառով որոշ շինարարական նախագծեր դադարեցվել են:
Երկրի խիստ քաղաքականության պատճառով (զրո-քովիդ) բիզնեսը և սպառողները տուժում են։
Երկուշաբթի Չինաստանի Ժողովրդական բանկը նվազեցրեց հնգամյա տոկոսադրույքը մինչև 4,2%, ինչը կնվազեցնի տնային հիփոթեքային վարկերի մարումների արժեքը ամբողջ երկրում:
ING Bank-ի Մեծ Չինաստանի գլխավոր տնտեսագետն ասում է, որ այս քայլերը անշարժ գույքի ավելի լայն ջանքերի մի մասն են արդյունաբերությունն ամրապնդելու:
«Միևնույն ժամանակ, որոշ տեղական ինքնակառավարման մարմիններ սկսել են վարկեր տրամադրել անշարժ գույքի կառուցապատողներին՝ շարունակելու կիսատ տների շինարարությունը», — նշել է նա գրառման մեջ երկուշաբթի: «Երկու միջոցառումները միասին պետք է նվազեցնեն տնային հիփոթեքային վարկառուների մտահոգությունը», — ավելացրել է նա:
Չինաստանում տների վաճառքը նվազել է 11 ամիս անընդմեջ, վկայում են պաշտոնական տվյալները։ Դա ամենաերկար անկումն է այն բանից հետո, երբ Չինաստանը ստեղծեց մասնավոր սեփականության շուկա 1990-ականների վերջին:
Չինաստանի կառավարությունը, միևնույն ժամանակ, ազդանշան է տվել, որ երկիրը կարող է վրիպել տարեկան 5,5% տնտեսական աճի թիրախից:
Իշխող Կոմունիստական կուսակցության քաղաքականություն մշակող բարձրագույն մարմինը չի նշել աճի պաշտոնական թիրախը հուլիսին՝ իր եռամսյակային տնտեսական հանդիպումից հետո: Այն միայն հայտնում էր, որ առաջնորդները «կձգտեն հասնել հնարավոր լավագույն արդյունքներին»:
Ներկայիս աշխարհակարգային փոփոխությունները ցույց են տալիս, որ աշխարհի ամենախոշոր տնտեսություններից մեկը անգամ ապահովված չէ դժվարություններից։ Այս համատեքստում արժանի է հիշատակել այն հանգամանքը, որ նման տնտեսություններում առկա խնդիրները մեծ ազդեցություն են թողնում համաշխարհային տնտեսա-քաղաքական գործընթացների վրա։