Անգլիական բանկը զգուշացնում է, որ Մեծ Բրիտանիան այս տարի կհայտնվի տնտեսական անկման մեջ
Անգլիական բանկը նախազգուշացրել է, որ Մեծ Բրիտանիան կհայտնվի տնտեսական անկման մեջ, քանի որ վերջին 27 տարվա ընթացքում առավելագույնս բարձրացրել է տոկոսադրույքները: Հայտնում է BBC-ին։
Կանխատեսվում է, որ այս տարվա վերջին երեք ամիսներին տնտեսությունը անկում կգրանցի և այն կշարունակվի մինչև 2023 թվականի վերջը։ Տոկոսադրույքները բարձրացել են մինչև 1,75%, քանի որ Բանկը պայքարում է գնաճի դեմ, իսկ գնաճն այժմ հասել է ավելի քան 13%: Կառավարիչ Էնդրյու Բեյլին նշել է, որ ինքը գիտի, որ կյանքի ծախսերի սեղմումը դժվար է, բայց եթե չբարձրացնի տոկոսադրույքները, այն «էլ ավելի կվատանա»: Բարձր գնաճի և ցածր աճի հիմնական պատճառը էներգակիրների թանկացումներն են, որոնք պայմանավորված են Ռուսաստանի ներխուժմամբ Ուկրաինա։ Բանկը նախազգուշացրել է, որ սովորական տնային տնտեսությունը կվճարի գրեթե 300 ֆունտ ստեռլինգ իր էներգիայի համար մինչև հոկտեմբեր։
Սպասվող տնտեսական անկումը կլինի ամենաերկարատևը 2008 թվականից ի վեր, երբ Մեծ Բրիտանիայի բանկային համակարգը փլուզվեց՝ դադարեցնելով վարկերի տրամադրումը: Անկում կանխատեսվում է ոչ այնքան խորը, որքան 14 տարի առաջ, բայց կարող է տևել նույնքան երկար: Բանկի կառավարիչ Էնդրյու Բեյլին ասաց, որ ինքը «մեծ համակրանք և մեծ ըմբռնում ունի նրանց համար, ովքեր ամենաշատն են պայքարում» ապրելու ծախսերի համար: « Ես գիտեմ որ նրանք կզգան․ լավ, ինչո՞ւ եք այսօր տոկոսադրույքները բարձրացրել, դա չի՞ դժվարացնում սպառումը այդ տեսանկյունից», ես վախենում եմ, որ իմ պատասխանը սա է՝ ոչ։ Քանի որ ես վախենում եմ, որ այլընտրանքն ավելի վատն է՝ մշտական գնաճով»:
Տոկոսադրույքների բարձրացումը գնաճը վերահսկելու ձևերից մեկն է, քանի որ այն բարձրացնում է փոխառության ծախսերը և պետք է խրախուսի մարդկանց պարտք վերցնել և ավելի քիչ ծախսել: Այն նաև կարող է խրախուսել մարդկանց խնայել ավելի շատ:
Ավելի բարձր տոկոսադրույքները նաև նշանակում են ավելի շատ ծախսեր այնպիսի բաների համար, ինչպիսիք են վարկային քարտերը, բանկային վարկերը և ավտոմեքենաների վարկերը:
