Ուկրաինայի նախագահ Զելենսկին հայտարարել է, որ ցանկանում է «ուղիղ բանակցություններ» վարել Չինաստանի հետ

Վերջին հարցազրույցերից մեկում Զելինսկին նշել է, որ Ուկրաինան հնարավորություններ է փնտրում Չինաստանի հետ «ուղիղ երկխոսության»։ Նա կարծում է, որ Չինաստանը ազդեցիկ պետություն է, որը սերտորեն համագործակցում է Ռուսաստանի հետ առևտրի ոլորտում և ունի որոշակի կշիռ ՄԱԿ-ի Անվտանգության խորհրդում, ուստի նման բանակցությունները «օգտակար կլինեն»։ Հայտնում է չինական լրատվականը։

Ուկրաինայի առաջնորդը կարծում է,  որ Չինաստանն ու Ուկրաինան կիսում են նույն արժեքները. «Բոլորը սիրում են իրենց երեխաներին, և բոլորն ուզում են ապրել խաղաղության և կայունության մեջ»։

Այս տարի լրանում է երկրների միջև դիվանագիտական ​​հարաբերությունների հաստատման 30-ամյակը։ Ըստ Չինաստանում Ուկրաինայի դեսպանատան հրապարակած տվյալների՝ Պեկինը դարձել է Կիևի ամենամեծ առևտրային գործընկերը նախորդ տարի՝ հասցնելով երկկողմանի առևտուրը 19 միլիարդ դոլարի։

Վերլուծություն։

Այս հայտարարությունը հատկանշական է այն համատեքտում, որ Միացյալ Նահանգների և Չինաստանի հարաբերությունները չափազանց սրված են վերջերս՝ պայմանավորված Թայվանի շուրջ ստեղծված իրավիճակում։ Ի՞նչ դերակատարում կարող է ստանձնել Չինաստանը ռուս-ուկրաինական հակամարտությունում և ինչպիսի՞ն կլինի ԱՄՆ-ի արձագանքը։ Սա էլ ավելի կխորացնի ճգնաժամը չին-ամերիկյան հարաբերություններում թե՞ ականատես կլինենք փոխգործակցության։ Այս հարցադրումների պատասխանները հնարավորություն կտան հասկանալու, թե ինչ ուղղությամբ կշարժվեն այն քաղաքական զարգացումները, որոնք ձևավորում են Միացյալ Նահանգների և Չինաստանի հարաբերությունները համատեքստը։ Կարևոր է արձանագրել այն իրականությունը, որ աշխարհի գերտերությունների փոխհարաբերությունները կրում են համաշխարհային բնույթ և դրանք կարող են ունենալ տարբեր դրսևորումներ՝ պայմանավորված քաղաքական գործընթացի բնույթով։ Չինաստանի հնարավոր հավելյալ ակտիվությունը ռուս-ուկրաինական հակամարտությունում կարևոր է դիտարկել նաև վերջինիս ներքաղաքական իրավիճակի զարգացումների և Ռուսաստանի դիրքորոշման տեսանկյունից։