ԵՄ-ն կոչ է արել պատրաստվել ռուսական գազի անջատմանը

Եվրահանձնաժողովը կոչ է արել միության երկրներին 15%-ով կրճատել գազի օգտագործումը մինչև մարտ, քանի որ Ռուսաստանը կարող է դադարեցնել մատակարարումները։ Հայտնում է https://www.bbc.com-ը:

Ռուսաստանը իր բնական գազի  40%-ը մատակարարել է Եվրոպային նախորդ տարի։ 2020 թվականին Գերմանիան եղել է ամենաշատ ներկրողը, նրան հաջորդում է Իտալիան։

Ուկրաինական ներխուժումից սկսած՝ Ռուսաստանը կրճատել է մատակարարումները մի շարք երկրներ, որոնք հրաժարվել են գազի դիմաց վճարել ռուբլով։

Եվրոհանձնաժողովի նախագահ Ուրսուլա ֆոն դեր Լեյենը նշել է, որ լայնամաշտաբ կրճատումը «հավանական սցենար» է:

Ռուսաստանը շանտաժի է ենթարկում մեզ։ Ռուսաստանը օգտագործում է էներգիան որպես զենք,- ասել է նա։

Նա հայտնել է, որ Եվրոպան պետք է պատրաստ լինի գազի մատակարարումների և՛ մասնակի, և՛ ամբողջական կրճատմանը։