Ո՞վ է ռազմական գերատեսչության նոր ղեկավարը
Եվրոպան կարող է ուժեղացնել իր պաշտպանությունը՝ զսպելու Ռուսաստանի աճող սպառնալիքը, սակայն ԵՄ բարձրագույն ռազմական մարմինը նախագահ է վերցնում ևս մեկ չեզոք երկրի գեներալի: Գրում է POLITICO-ն:
Չորեքշաբթի Իռլանդիան հաստատել է, որ գեներալ-լեյտենանտ Շոն Քլենսին ընտրվել է Եվրամիության ռազմական կոմիտեի (EUMC) ղեկավարի պաշտոնում: Նա փոխարինում է Ավստրիայի գեներալ Ռոբերտ Բրիգերին, ով նույնպես գալիս է չեզոք երկրից:
«Շարունակականությունը կարևոր է», — ասաց Բրիգերը X-ում՝ հայտարարելով, որ Քլենսին իր իրավահաջորդն է:
EUMC-ը կազմված է ԵՄ անդամ երկրների պաշտպանության ղեկավարներից: Կառույցի դերն է խորհուրդներ տալ դաշինքի ռազմական առաքելությունների և գործողությունների պլանավորման և իրականացման վերաբերյալ, ինչպես նաև ռազմական խորհրդատվություն տալ Քաղաքական և անվտանգության կոմիտեին, որը կազմված է ԵՄ դեսպաններից, որը զբաղվում է պաշտպանության և անվտանգության հարցերով:
«Ինչպե՞ս կարող է լուրջ վերաբերվել EUMC-ին, եթե նման կրիտիկական պատմական պահին, երբ մեզ անհրաժեշտ է արագ համակարգում ՆԱՏՕ-ի հետ՝ եվրոպական պատրաստակամությունը բարձրացնելու համար, այն նախագահում է ՆԱՏՕ-ի անդամ չհանդիսացող պետությունը»: ասել է դիվանագետներից մեկը։
Քլենսիի նշանակումը այժմ պետք է վավերացվի ԵՄ առաջնորդների կողմից: Նա պաշտոնը կստանձնի 2025 թվականի մայիսին՝ երեք տարով։
