Եվրոպացի պատգամավորը առաջարկում է անցնել պատերազմական տնտեսության

Եվրախորհրդարանի պատգամավոր և Ֆրանսիայի Սոցիալիստական ​​կուսակցության հետ համագործակցող փոքր Place Publique կուսակցության ղեկավար Ռաֆայել Գլյուքսմանը (Raphaël Glucksmann) «խելագար» է անվանել այն, որ Եվրոպան «պատերազմական տնտեսության չի անցել» Ուկրաինայում Ռուսաստանի ռազմական գործողությունների սկսվելուց երկու տարի անց և զգուշացրել է Կիևի պարտության միջնաժամկետ ռիսկերի մասին։Այս մասին գրում է Le Figaro-ն:

«Մենք պետք է ամբողջությամբ անցնենք պատերազմական տնտեսության», — ասաց նա BFMTV-RMC ռադիոյով: «Կատարյալ խելագարություն է, որ այս հակամարտությունը սկսվել է երկու տարի առաջ… և մենք դեռ չենք մեծացրել մեր արտադրական հզորությունը»:

Նա նաև հիշեցրել է, որ «այսօր ճակատում Ուկրաինայի զինված ուժերը կարող են օրական օգտագործել ընդամենը հազար զինամթերք, մինչդեռ ռուսները՝ տասը հազար»։

Գլյուքսմանը կոչ արեց «երկարաժամկետ պայմանագրեր կնքել մեր արդյունաբերողների հետ» և իրականացնել  արկերի «համատեղ եվրոպական գնումներ» ։ Եվ այստեղ մենք պետք է առաջնորդվենք «ոչ միայն համերաշխությամբ կամ բարոյականությամբ, այլ բանականության և նույնիսկ եսասիրության նկատառումներով»:

«Եթե մենք սա չանենք հիմա, և Ուկրաինայի զինված ուժերը պարտվեն, ապա այն հարցերը, որոնք մենք պետք է տանք ինքներս մեզ մեկ-երկու տարի հետո, շատ ավելի լուրջ կլինեն», — զգուշացրեց Գլյուքսմանը