Այս քայլը կարող է բերել ԵՄ-ի փլուզման
«Այլընտրանք Գերմանիայի համար» (AfD) կուսակցությունը կպնդի ԵՄ-ին Գերմանիայի անդամակցության վերաբերյալ հանրաքվե անցկացնել, եթե այն երբևէ իշխանության գա, ասել է առաջնորդ Ալիս Վայդելը: Գրում է POLITICO-ն։
Կուսակցությունը ցանկանում է բարեփոխել ԵՄ-ն և սահմանափակել Եվրահանձնաժողովի լիազորությունները, բայց «եթե նման բարեփոխումը հնարավոր չէ, եթե մենք չենք կարող վերականգնել ԵՄ անդամ երկրների ինքնիշխանությունը, ապա քաղաքացիները պետք է որոշեն, ինչպես Մեծ Բրիտանիայում», — Վայդելը ասել է Financial Times-ին տված հարցազրույցում՝ հրապարակված երկուշաբթի։
AfD-ն երկար ժամանակ բացահայտ հակաեվրոպական է տրամադրված՝ իր կուսակցական ծրագրում նշելով, որ «մենք կարծում ենք, որ ԵՄ-ն չի կարող բարեփոխվել և այն դիտարկել որպես ձախողված նախագիծ»:
Չնայած կուսակցությունների կողմնակիցների շրջանում ԵՄ-ին աջակցության ցածր մակարդակին, 2023 թվականի սեպտեմբերին անցկացված հարցումները ցույց են տալիս, որ AfD-ի ընտրողների մեծամասնությունը դժվար թե քվեարկի «Dexit»-ի(Գերմանիայի դուրս գալը ԵՄ-ից) օգտին, ընդ որում 52 տոկոսը կողմ է ԵՄ կազմում մնալուն:
Ըստ POLITICO-ի հարցումների, AfD-ն այժմ զբաղեցնում է երկրորդ տեղը (23 տոկոսով) և ծաղկում է չնայած վերջին սկանդալին, որը առաջացրել է վերջին տասնամյակների ընթացքում ամենամեծ հակածայրահեղական(աջ) բողոքի ցույցերը: Կիրակի հարյուր հազարավոր մարդիկ դուրս են եկել փողոցներ ամբողջ Գերմանիայում, ոմանք խնդրել են ամբողջովին արգելել կուսակցությունը:
