Չեխիան կոչ է անում Գերմանիային առաջնորդել եվրոպական անվտանգության ոլորտը
Չեխիայի նախագահ Պետր Պավելը Գերմանիային կոչ է արել առաջնորդի դեր ստանձնել Եվրոպական անվտանգության ջանքերում, ինչը կոգեշնչի այլ երկրներին: Այս մասին նա խոսել է, երբ երեքշաբթի այցելել է Բեռլին: Գրում է EURACTIV-ը:
Պավելի խոսքով՝ Գերմանիան պետք է առաջնորդի դիրք և «նախաձեռնող դեր» ստանձնի մի քանի ոլորտներում՝ ներառյալ տնտեսությունը, անվտանգությունը և ռազմական ջանքերը և Ուկրաինայի վերակառուցումը։
«Մենք սկսում ենք նոր գլուխ գրել եվրոպական պատմության մեջ, և ես համոզված եմ, որ Գերմանիայի նման երկիրը կարող է վճռորոշ դեր խաղալ այս փուլում», — ասել է Պավելն իր գերմանացի գործընկեր Ֆրանկ-Վալտեր Շտայնմայերի հետ հանդիպումից հետո:
Նրա մեկնաբանությունները, սակայն, գալիս են այն իրադարձությունից հետո, երբ եվրոպացի գործընկերների կողմից շաբաթներ շարունակ ինտենսիվ ճնշում էր անհրաժեշտ, որպեսզի Բեռլինը վերացնի Ուկրաինային Leopard II տանկեր տրամադրելու արգելափակումը: Քանի որ տանկերը գերմանական արտադրության են, այլ երկրներ կամ մասնավոր ընկերություններ, որոնք ցանկանում են դրանք ուղարկել Ուկրաինա, կարիք ունեն Գերմանիայի կառավարության հավանության:
FAZ-ի փոխանցմամբ՝ Չեխիայի նախագահը խորհուրդ է տվել առաջնորդության փոխարեն խոսել Գերմանական պատասխանատվության մասին։ Հաճախ է խոսվում «գերմանական առաջնորդության» մասին, ասում է Պավելը, որը որոշ երկրներում «զգայուն խնդիր» կլինի:
Նա նշել է, որ իր գործընկեր Շտայնմայերը խոսել է գերմանական պատասխանատվության մասին և ասել. «Ես ուրախ կլինեի, եթե մենք կարողանայինք դա անվանել գերմանական պատասխանատվություն»:
«Գերմանիան կարող է ցույց տալ իր առաջատարությունը մի շարք ոլորտներում»,- ասել է Պավելը Բեռլինում:
«Դրանցից մեկն անվտանգությունն ու պաշտպանությունն են, ոչ միայն հասնելով ՀՆԱ-ի 2%-ի շեմին, այլ այն պետություններից մեկը լինելով, որը կարող է առաջնորդել ջանքերը՝ դարձնելու Եվրոպան ավելի անվտանգ, որով ես նկատի ունեմ ՆԱՏՕ-ի եվրոպական հենարանի ամրապնդումը, որտեղ Գերմանիան կարող է մեծ դեր խաղալ»,- պարզաբանել է Չեխիայի նախագահը և ՆԱՏՕ-ի ռազմական կոմիտեի նախկին ղեկավարը:
Պավելը նշեց, որ Գերմանիան ՆԱՏՕ-ի բազմաթիվ նախագծերում հանդես է գալիս որպես «շրջանակային երկիր», ինչը նշանակում է, որ այն ապահովում է հիմնական ռազմական սարքավորումները, ինչպիսիք են նյութատեխնիկական ապահովումը և հրամանատարական կառուցվածքը. փոքր պետություններին, որոնք չունեն իրենց սեփականը կառուցելու կարողություն:
Գերմանիան երրորդ երկիրն էր, որ Չեխիայի նոր նախագահը այցելեց մարտի 9-ին իր երդմնակալության արարողությունից հետո: Նա, առաջին հերթին, այցելեց հարևան Սլովակիա, ապա մեկնեց Լեհաստան՝ իր շրջագայության Վիշեգրադյան երկրորդ երկիրը:
Բեռլինում Պավելը նաև ասել է, որ Կենտրոնական Եվրոպայի երկրները շատ ակտիվ դեր են խաղացել Ուկրաինային աջակցելու հարցում՝ Ուկրաինա ռուսական ներխուժումից անմիջապես հետո։ Այս ակտիվության շնորհիվ տարածաշրջանը բարձրացրեց ինքնավստահությունը և դարձավ ամուր ուկրաինամետ ձայն Եվրոպայում։
«Ցավալի կլիներ, եթե մենք հայտնվենք ներեվրոպական մրցակցության մեջ ավանդական Արևմտյան Եվրոպայի և Կենտրոնական և Արևելյան Եվրոպայի միջև՝ իր նոր ձեռք բերված ինքնավստահությամբ», — ասաց Պավելը՝ հավելելով, որ այս իրավիճակը պետք է օգտագործվի «եվրոպական միասնության հետագա ամրապնդման համար»:
