Ֆին-ռուսական սահմանին 260 կմ երկարությամբ պարիսպ կարող է հայտնվել. ահա թե ինչպիսին կլինի այն
Ֆինլանդիայի սահմանապահ ծառայությունը կարծում է, որ Ռուսաստանի հետ սահմանին պարիսպ է անհրաժեշտ, բայց միայն այն տարածքներում, որոնք այն սահմանում է որպես «ռիսկային», գրում է ֆինլանդական լրատվամիջոցը։ Շինարարության մանրամասն ծրագիրը գաղտնի է պահվում, սակայն հայտնի է, որ այն շարունակական չի լինելու։
Պարիսպ կառուցելու անհրաժեշտությունը չի ազդում ամբողջ արևելյան սահմանի վրա։ Պարիսպ պահանջվում է միայն այն տարածքների համար, որոնք սահմանապահ ծառայությունը սահմանում է որպես «ռիսկային»: Նման տարածքները կազմում են սահմանի 10-20%-ը։
Այս տարի Ֆինլանդիայում շատ են խոսում երկրի արևելյան սահմանին պարիսպ տեղադրելու հնարավորության մասին։ Այժմ սահմանային ծառայությունը կարծում է, որ պարիսպը պետք է տեղադրվի միայն սահմանի որոշ հատվածներում։ Սահմանային ծառայությունը երեքշաբթի՝ սեպտեմբերի 27-ին, հայտարարեց իրավիճակի իր տեսլականը։
Ռուսաստանի հետ սահմանի ընդհանուր 1340 կիլոմետրը պարսպատելու կարիք չկա, պարիսպը կտեղադրվի սահմանի 10-20 տոկոսի վրա՝ «ռիսկային» տարածքներում։ Պարզվում է, որ պարսպի երկարությունը կկազմի 130-260 կիլոմետր։ Պարսպի մեծ մասը կտեղադրվի Ֆինլանդիայի հարավ-արևելքում և ավելի հյուսիսային հատվածի անցակետերում:
Սահմանապահ ծառայության մամուլի հաղորդագրության համաձայն՝պարիսպը, ամենայն հավանականությամբ, մի քանի մետր բարձրությամբ մետաղյա վանդակ է՝ վերևի հատվածում փշալարերով:
Սահմանապահ ծառայության տվյալներով՝ պարիսպը չի տարբերվի ԵՄ-ի արևելյան սահմանի մնացյալ պարիսպներից։ Պարիսպը լինելու է մեկ համալիր, որը բաղկացած է ֆիզիկական խոչընդոտից,տեխնիկական հսկողությունից և պարսպի երկայնքով ճանապարհներից՝ սահմանային ծառայության ներկայացուցիչների համար։
Պարսպի կառուցման մանրամասն ծրագիրը գաղտնի է պահվում, ընդգծում են Սահմանային ծառայությունից։ Մամուլի հաղորդագրության մեջ նշվում է նաև, որ պարսպի կառուցման որոշումը պետք է կայացվի քաղաքական մակարդակում։
Սահմանային գործակալությունը պարսպի կառուցման արժեքը գնահատում է մի քանի հարյուր միլիոն եվրո, իսկ կառուցման համար կպահանջվի երեքից չորս տարի։ Սահմանապահ ծառայության աշխատակիցներն ասում են, որ պատրաստ են այս տարի սկսել շինարարությունը:
