Կրքերը թեժանում են Եվրոպայում ընտրություններից առաջ
Եվրախորհրդարանի լիբերալների ղեկավարը բացառել է ազգայնականների հետ համագործակցությունը, եթե հունիսին կայանալիք եվրոպական ընտրություններն ապահովեն աջակողմյան մեծամասնություն: Այս մասին գրում է POLITICO-ն:
«Մենք պետք է վերահսկենք մեր ճակատագիրը և եվրոպական քաղաքականությունը, և թույլ չտանք, որ ծայրահեղ աջերը գալիք վեց ամիսների ընթացքում մեզ ասեն, որ ամեն ինչ անվերահսկելի է», — ասաց Ստեֆան Սեժուրնը (Stéphane Séjourné):
Հարցումները ցույց են տալիս, որ պահպանողականների, սոցիալ-դեմոկրատների և լիբերալների ներկայիս կոալիցիան, որը ձևավորել է քաղաքական դիրքորոշումները 2019 թվականից ի վեր, կհամախմբի մեծամասնությանը: Աջ և ծայրահեղ աջ խմբերը, սակայն, մեծ ժողովրդականություն են վայելում:
Ո՞վ է ժամանակակից Ֆրանսիայի ամենաերիտասարդ վարչապետը
«Մենք անկառավարելի Եվրոպա ենք վտանգի տակ դնում։ Սա միանգամայն իրական է թվաբանության առումով», — ասում է Սեժուրնեն, ով ղեկավարում է Renew Europe խմբի ավելի քան 100 անդամներ:
Սեժուրնը ասաց, որ ինքը չի դնում բոլոր ազգայնական եւ աջակողմյան կուսակցություննը նույն զամբյուղի մեջ, առաջարկելով, որ եթե Եվրոսկեպտիկները կարողանան ազատվել առավել ծայրահեղ կուսակցություններից, նա կարող է փոխել իր կարծիքը:
Պահպանողականներն ու սոցիալիստները մարտին կհայտարարեն համապատասխան թեկնածուների մասին, սակայն լիբերալների նախընտրական ծրագրերն այնքան էլ հստակ չեն: Թեև լիբերալների արշավը մարմնավորող մեկ անձի առաջարկելը տարբերակ է, Սեժուրնեն հայտնեց, որ նախընտրում է երեք քաղաքական գործիչներից կազմված թիմ, յուրաքանչյուրը որպես ԵՄ երեք հիմնական ինստիտուտների (Հանձնաժողովի, Խորհրդի և Հորհրդարանի) թեկնածու:
Եվրոպական խորհրդի նախագահ Շառլ Միշելի հայտարարել է, որ վաղաժամկետ կհրաժարվի իր պաշտոնից՝ խորհրդարանական ընտրություններին մասնակցելու համար:
Անտեսելով հոռետեսական հարցումները՝ Սեժուրնը պնդեց, որ տեսել է ներքին կանխատեսումներ, ըստ որոնց կարող է պահպանել իր խումբը (մոտ 90-ից 100 անդամ)՝ մասամբ Արևելյան Եվրոպայում փոքր լիբերալ կուսակցությունների ի հայտ գալու շնորհիվ, որոնք կարող են փոխհատուցել լիբերալ խմբավորման մյուս կուսակցությունների փլուզումը։
