Ո՞վ է ժամանակակից Ֆրանսիայի ամենաերիտասարդ վարչապետը
Ֆրանսիայի նախագահ Էմանուել Մակրոնը երեքշաբթի Գաբրիել Աթալին նշանակել է երկրի նոր վարչապետ, քանի որ ձգտում է սահմանել թարմ ուղի Եվրամիության ընտրություններից առաջ(տեղի են ունենալու այս ամռանը): Այս մասին գրում է CNBC-ին:
Կրթության ներկայիս նախարար Աթալը կդառնա ամենաերիտասարդ մարդը( 34 տարեկան), որը կզբաղեցնի Ֆրանսիայի երկրորդ բարձրագույն պաշտոնը:
Սա հետևում է երկուշաբթի օրը Էլիզաբեթ Բորնի, ըստ երևույթին, դժկամ հրաժարականին, ով նամակում ասել է, որ իրեն տեղեկացրել են, որ սա Մակրոնի ցանկությունն է: Բորնը ասաց, որ «ավելի քան երբևէ անհրաժեշտ է շարունակել բարեփոխումները», որոնք իրականացվում են կառավարության կողմից:
Գերմանիայի կանցլերի ուշագրավ կոչը դաշնակից երկրներին
Ֆրանսիայում վարչապետը ղեկավարում է կառավարությունը և նշանակվում, բայց չի կարող ուղղակիորեն պաշտոնանկ արվել նախագահի կողմից։
Աթալը պաշտոնը կստանձնի երեքշաբթի կեսօրից հետո:
Իր առաջին ելույթն ունենալով որպես վարչապետ՝ Աթալն ասել է, որ դպրոցական բարեփոխումները լինելու են իր հիմնական նպատակներից մեկը, հաղորդում է Le Monde-ը: Աթալն ասաց, որ իր երեք տնտեսական առաջնահերթությունները կլինեն ապահովել աշխատանքի ավելի գնահատված լինելը, քան չաշխատելը, մինչդեռ տնային տնտեսությունները պայքարում են գնաճի դեմ; բիզնեսի և ձեռնարկատերերի կյանքի հեշտացումը; և երիտասարդների զբաղվածությունը։
Մակրոնի մերձավոր դաշնակից Աթալը կառավարության ամենահայտնի նախարարն է, ցույց են տալիս հարցումները:
«Ես գիտեմ, որ կարող եմ հույս դնել ձեր էներգիայի և ձեր նվիրվածության վրա՝ իրականացնելու վերազինման և վերականգնման նախագիծը, որը ես հայտարարել եմ»,- գրել է Մակրոնը X-ում:
Քաղաքական քայլը տեղի է ունենում հունիսին կայանալիք Եվրախորհրդարանի ընտրություններից առաջ:
Մակրոնը, ամենայն հավանականությամբ, կօգտագործի իր վերջին պաշտոնավարման երկրորդ կեսը՝ ավելի քիչ պառակտող քաղաքականություն մղելու համար, այդ թվում՝ հանցագործության և հակասոցիալական վարքագծի շուրջ, ասել է Eurasia Group-ից Մուջթաբա Ռահմանը հետազոտական գրառման մեջ:
