Սկանդինավները ստեղծում են օդուժի համատեղ խմբավորում
Սկանդինավյան երկրները պայմանավորվել են ստեղծել մի ամբողջ համատեղ խմբավորում՝ Ռուսաստանին դիմակայելու համար, գրում է Ouest-France-ը։
Միջոցառումը, որը սկանդինավիայի սահմաններից դուրս քիչ լուսաբանվեց լրատվամիջոցներում, տեղի ունեցավ հինգշաբթի՝ մարտի 23-ին, Ռամշտեյնի ամերիկյան ռազմաբազայում։ Նորվեգիայի, Դանիայի, Շվեդիայի և Ֆինլանդիայի ռազմաօդային ուժերի հրամանատարները համաձայնագիր են ստորագրել, որը զգալիորեն կմերձեցնի նրանց։ Խոսքը ոչ թե միաձուլման, այլ 25 միլիոն բնակիչ ունեցող չորս երկրների միավորված ուժերի ստեղծման մասին է, որը համատեղ կշահագործի 250 մարտական ինքնաթիռ։ Որքան ունեն Մեծ Բրիտանիայի թագավորական օդուժը կամ Ֆրանսիայի զինված ուժերը։
Փաստաթղթում Ռուսաստանի մասին խոսք չկա։ Սակայն դանիական ռազմաօդային ուժերի հրամանատար գեներալ Դան Յանը չի թաքցնում դա։ Նա նշել է, որ այս որոշումը պայմանավորված է Ուկրաինայում ստեղծված իրավիճակով: Բալթիկան և Արկտիկան այն տարածքներից են, որտեղ ռուսական ավիացիան ամենից հաճախ էուժ ցուցաբերում։ Այժմ այն ստիպված կլինի դիմակայել ամերիկյան նախագծման 153 F-35 կործանիչների (52 նորվեգական, 64 ֆիննական և 34 դանիական) և 90 շվեդական Gripen կործանիչների՝ ավելի ժամանակակից, քան ռուսականները:
Ուսուցումը, նյութատեխնիկական ապահովումը, ծրագրավորումը կլինեն ընդհանուր: Առաջնահերթություններից մեկը կլինի օդային տարածքի հսկողության համակարգերի ինտեգրումը, մասնավորապես՝ «ռադիոլոկացիոն տվյալների փոխանակումը, ինչը մենք այսօր չենք անում», ըստ դանիացի գեներալի։ Եթե այս ամենն իր ազդեցությունն ունենա, ապա ուժերի հարաբերակցությունը կփոխվի հօգուտ Արկտիկայի Արևմտյան բլոկի, որը սահմանակից է Կանադային և ԱՄՆ-ին։ Միաժամանակ, այս համաձայնագիրը հնարավորություն է տալիս շրջանցել երկնքում առկա խոչընդոտը ի դեմս Թուրքիայի, որը ձգձգում է Շվեդիայի՝ ՆԱՏՕ-ին անդամակցելու գործընթացը հաստատելու գործընթացը։
