Ռոբոտացված ձեռքերով արբանյակները կարող են օգտագործվել մյուսներին ուղեծրից հեռացնելու համար
ԱՄՆ-ի մրցակցությունը Ռուսաստանի և Չինաստանի մրցակցությունը տիեզերական արդյունաբերության ոլորտում սրվել է, գրում է Newsweek-ը։ Հատկապես մտահոգիչ են նոր արբանյակները՝ ռոբոտացված ձեռքերով, որոնք կարող են օգտագործվել այլ միջոցների ուղեծրից դուրս հանելու համար: Չինաստանն արդեն ցուցադրել է արբանյակներ որսալու տեխնոլոգիան։
Տիեզերական արդյունաբերության ավստրալացի փորձագետը մտահոգություն է հայտնել տիեզերքում հնարավոր սպառնացող տեխնոլոգիաների օգտագործման վերաբերյալ՝ Ռուսաստանի և Չինաստանի մրցակցության պայմաններում:
Ավստրալիայի տիեզերական արդյունաբերության ասոցիացիայի ղեկավար Ջեյմս Բրաունը Sky News-ին տված հարցազրույցում խոսել է տիեզերական նոր տեխնոլոգիաների հետ կապված մտավախությունների մասին։ Մասնավորապես, նա նշել է «ռոբոտացված ձեռքերով, արբանյակները որոնք կարող են օգտագործվել այլ միջոցներ որսալու և ուղեծրից հանելու համար»։
Նշելով, ի թիվս այլ բաների, «կուրացնելու» տեխնոլոգիան, որը Ռուսաստանը օգտագործում է արբանյակների դեմ, որոնք տեղեկատվություն են փոխանցում ուկրաինական հակամարտության մասին, Բրաունն ասել է․ «Տիեզերքում մեծ տերությունների միջև աճող լարվածություն կա»։
Արբանյակներ որսալու տեխնոլոգիան նախկինում արդեն ցուցադրվել է Չինաստանի կողմից։ Հունվարին չինական արբանյակը «բռնեց» մեկ այլ՝ հնացած արբանյակի, և այն դուրս բերեց ակտիվ ուղեծրից այսպես կոչված «թաղման գոտի», որտեղ այն չի խանգարում ընթացիկ աշխատանքին։ Այլ կերպ ասած՝ Պեկինն այս կերպ մաքրում էր տիեզերական աղբը։
2021 թվականի ապրիլին ԱՄՆ Տիեզերական հրամանատարության ղեկավար, գեներալ Ջեյմս Դիկինսոնը Կոնգրեսին ասաց, որ ինքը նույնպես անհանգստացած է Չինաստանի կողմից ագրեսիվ օգտագործվող «ապագայի համակարգերով այլ արբայնակներ բռնելու համար»։
Վերջին տարիներին գլոբալ տիեզերական արդյունաբերության մրցակցությունը կտրուկ սրվել է, հատկապես, երբ շատ երկրներ խզում են կապերը Ռուսաստանի՝ ամենաառաջադեմ տիեզերական տերություններից մեկի հետ՝ Ուկրաինայում ռազմական գործողությունների պատճառով:
Ռուսական Roskosmos տիեզերական գործակալությունը հայտարարել է, որ 2024 թվականին դուրս է գալիս ՄՏԿ-ի նախագծից, ինչպես նաև սեփական տիեզերակայան է կառուցում։ Իսկ մարտին գործակալությունը հայտարարեց, որ կշարունակի նախապատրաստվել ExoMars նախագծի մեկնարկին` կարմիր մոլորակի անկախ հետախուզման համար այն բանից հետո, երբ Եվրոպական տիեզերական գործակալությունը (ESA) հրաժարվեց մասնակցել առաքելությանը ուկրաինական իրավիճակի պատճառով:
Չինաստանը նույնպես ավելի ակտիվ խաղացող է դարձել այս ոլորտում։ Երկիրը նախկինում երկու մոդուլ էր ուղարկել Լուսին, իսկ 2021 թվականի մայիսին հաջողությամբ վայրէջք կատարեց իր առաջին մարսագնացը։ Այս ձեռքբերումից հետո ՆԱՍԱ-ի ադմինիստրատոր Բիլ Նելսոնը Չինաստանին անվանեց «ագրեսիվ մրցակից» տիեզերքում:
Բացի այդ, 2021 թվականի ապրիլից Չինաստանը Երկրի շուրջ ուղեծրում կառուցում է սեփական Տիանգուն տիեզերակայանը, որը իրեն թույլ կտա գիտափորձեր անցկացնել տիեզերքում։ Չինաստանին թույլ չեն տվել մասնակցել ՄՏԿ-ի ծրագրին։
Sky News-ին տված հարցազրույցում Բրաունը նաև ափսոսանք է հայտնել, որ այլ երկրներ հրթիռային արձակումներ են արել միջոցներով, որոնք «գրանցված չեն եղել» կամ չեն օգտագործվել այն նպատակի համար, որի համար արտադրվել են:
«Ընկերությունները և կառավարությունները գնալով ավելի են ապավինում տիեզերքին,- ասաց նա:- Մենք պետք է ավելի լավ հասկանանք, թե ինչ է կատարվում այնտեղ և որոնք են խաղի կանոնները:
Ներկա պահին միջազգային ասպարեզում տիեզերքի հետ կապված հիմնական մտահոգություններից մեկը, նշել է Բրաունը, այն է, որ Երկրի շուրջ ուղեծրերը գնալով ավելի զբաղված են դառնում: Այսպիսով, աճում է օբյեկտների՝ արբանյակների կամ տիեզերական աղբի բեկորների բախման վտանգը։
2021 թվականին Ռուսաստանը դիտավորյալ պայթեցրել է իր չգործող արբանյակներից մեկը՝ հակաարբանյակային հրթիռային փորձարկման շրջանակներում։ Պայթյունը հազարավոր բեկորներից ու տիեզերական աղբից բաղկացած ամպ է ստեղծել, և ՄՏԿ-ի անձնակազմը նախազգուշական նպատակով ստիպված է եղել պատսպարվել հատուկ տարածքներում։
NASA-ի ադմինիստրատոր Բիլ Նելսոնն The Verge հրատարակությանը (տեխնոլոգիական հարցերով այն ժամանակ) ասել էր, որ «վրդովված է այս անպատասխանատու և ապակայունացնող քայլից»:
Հեղինակ՝ Էդ Բրաուն