Հյուսիսային Հոսք 1․ 12 մ տուրբինը սպառնում է Եվրոպայի գազամատակարարմանը

Ռուսական էներգետիկ հսկա «Գազպրոմը» հայտնում է, որ անհնար է հետ վերցնել մի տուրբին, որը կենսական նշանակություն ունի Եվրոպա գազի մատակարարման համար՝ Արևմուտքի պատժամիջոցների պատճառով։ Հայտնում է BBC-ին։

12 մ տուրբինն արգելափակվել է Գերմանիայում Կանադայից վերադառնալուց հետո, որտեղ այն վերանորոգվել է: Բեռլինը պնդում է, որ պատժամիջոցները չեն ազդում սարքավորման վրա և մեղադրում է Ռուսաստանին քաղաքական պատճառներով պայմանագրերը չկատարելու մեջ:

Վերջերս «Գազպրոմը» կտրուկ կրճատել է գազի մատակարարումները Եվրոպա։ Որոշ երկրներ դժվարանում են գնել այնքան գազ, որքան հարկավոր է պահեստավորել ձմռան ամիսներին, երբ գազի օգտագործումը շատ ավելի մեծ է:

Չորեքշաբթի օրը կանցլեր Շոլցն այցելել է Siemens Energy գործարան, որտեղ գտնվում է տուրբինը, և նշել է, որ պատրաստ է ցանկացած պահի տուբինը հետ ուղարկել Ռուսաստան: «Բայց ինչ-որ մեկը պետք է ասի. ես ուզում եմ դա ունենալ», — ավելացրել է նա:

Մոսկվան ասում է, որ կարող է  կրկին տեղադրել տուրբինը և մեծացնել գազի մատակարարումը միայն այն բանից հետո, երբ ստանա փաստաթղթեր, որոնք ցույց են տալիս, որ տուրբինը  Արևմուտքի պատժամիջոցների ներքո չէ:

Նախորդ շաբաթ՝ Ռուսաստանի հայտարարությունից հետո, Եվրոպայում գազի մեծածախ գինը բարձրացվել է 10%-ով։

Բեռլինն հայտնում է, որ Գազպրոմի մատակարարումները սահմանափակելու տեխնիկական պատճառներ չկան, և ԵՄ-ն վերջին կրճատումը որակել է որպես «քաղաքական դրդապատճառային»:

Հունիսի վերջին Գերմանիան իր գազի 26%-ը ներկրում էր Ռուսաստանից։ Գերմանիան մատակարարումներ է փնտրել այլ վայրերից, միջոցներ է ձեռնարկել սպառումը նվազեցնելու համար և զգուշացրել է քաղաքացիներին, որ էներգետիկայի գները կբարձրանան:

Մեկ այլ զուգահեռ խողովակաշարի ( «Հյուսիսային հոսք 2» ) բացումը դադարեցվել է Գերմանիայի կողմից՝ ի պատասխան Ուկրաինայում ռուսական ագրեսիայի։