Ուկրաինայից դուրս եկած առաջին հացահատիկային նավը հասել է թուրքական ջրեր
Ռուսաստանի ներխուժումից հետո առաջին հացահատիկային նավը, որը մեկնել է Ուկրաինայից, հասել է թուրքական Բոսֆորի նեղուց: Ռազոնի նավը, որը տեղափոխում է 26,000 տոննա եգիպտացորեն, կստուգվի չորեքշաբթի առավոտյան՝ նախքան իր ճանապարհը շարունակելը դեպի Լիբանան: Ուկրաինա ներխուժումից սկսած՝ Ռուսաստանը շրջափակել վերջինիս նավահանգիստները՝ առաջացնելով պարենի համաշխարհային պակաս։ Հայտնում է BBC-ին։
Անցյալ ամիս Թուրքիայի և ՄԱԿ-ի միջնորդությամբ ձեռք բերված գործարքի պայմանների համաձայն՝ երկու կողմերը պայմանավորվել են, որ մտակարարումները կարող են վերսկսվել: Ուկրաինան հայտարարել է, որ իր ռազմածովային նավերը կուղղեկցեն բեռնատար նավերը ականապատված ջրերով: Երեքշաբթի օրը երեկոյան ելույթում նախագահ Վոլոդիմիր Զելինսկին նշել է , որ ցանկանում է տեսնել հացահատիկի արտահանումը կանոնավոր կրկին: Ի հավելումնսննդի պակասի մեղմացմանը այլ վայրերում, նա հույս է հայտնել, որ արտահանումը կխրախուսի ուկրաինացի ֆերմերներին սերմեր ցանել հաջորդ շրջանի համար:
«Սա պարենային անվտանգության խնդիր է նաև մեր երկրի համար՝ մենք հիմա ապահովում ենք հաջորդ տարին,- նշել է Զելինսկին։
Ուկրաինայի իշխանությունները ասում են, որ կան ևս 17 հացահատիկային նավեր, որոնք սպասում են հեռանալ երկրի սևծովյան նավահանգիստներից, երբ Ռազոնին ապահով ավարտի իր նավարկությունը: Վստահությունը ցածր է երկու կողմից էլ, բայց եթե պահպանվի, ապա գործարքը նախատեսված է 120 օր։ Այն կարող է երկարաձգվել երկու կողմի համաձայնության դեպքում։
Ռուսաստանին և Ուկրաինային համատեղ բաժին է ընկնում ցորենի համաշխարհային արտահանման գրեթե մեկ երրորդը:
Աշխարհաքաղաքական և տնտեսական ներկայիս ճգնաժամի պարագայում այս գործարքը ( եթե լիարժեք իրագործվի ) հնարավորություն կտա աշխարհին մի փոքր շունչ քաշել։ Այս համատեքստում արժանի է հիշատակել այն հանգամանքը, որ պարտավորությունների լիարժեք կատարումը կբարձրացնի փոխադարձ վստահությունը և կստեղծի պայմաններ տնտեսաքաղաքական այլ համաձայնությունների գալու շուրջ։