Գերմանիան հանձնվում է Պուտինին․ Զելինսկին անկյուն է մղվել, իսկ Եվրոպան հետ է քաշվում Ուկրաինայից
Հուլիսի 11-ին Ուկրաինայի նախագահ Վոլոդիմիր Զելինսկին որոշում է ընդունել հետ կանչել դեսպանին Կանադայից։ Վերջինս Ուկրաինային աջակցող ամենաակտիվ երկրներից է։ Դա պայմանավորված է այն հանգամանքով, որ Կանադան որոշել է Գերմանիային վերադարձնել այն տուրբինները, որոնք անհրաժեշտ են Հյուսիսային հոսք գազատարի աշխատանքի համար։ Այն կապում է Ռուսաստանը Գերմանիային։
Հունիսի կեսից Գազպրոմը 40% կրճատել էր գազի մատակարարումների ծավալը Հյուսիսային հոսք գազատարով։ Պատճառաբանությունը այն էր, որ Կանադան չի վերադարձրել տուրբինները արևմտյան պատժամիջոցների պատճառով։ Կանադայի ղեկավարությունը բավարարել է գերմանական իշխանությունների խնդրանքը՝ վերադարձնել տուրբինները Գազպրոմին։ Ուկրաինական իշխանությունները սրան կտրականապես դեմ են եղել։ Հայտնում է https://gendai.ismedia.jp-ը։
Հուլիսի 11-ից Հյուսիսային հոսք գազատարը պլանային վերանորոգման փուլում է։ Այս գազատարով փոխադրվում է 55 միլիարդ խորանարդ մետր գազ։ Այն ծածկում է Գերմանիայի կարիքները կեսը։
Ռուսաստանը հայտարարել է, որ, տուրբինների տեղ հասնելուն պես, կվերականգնի գազի մատակարարումների ամբողջ ծավալը, սակայն եվրոպական երկրները մտավախություններ ունեն այս հարցի շուրջ։
Արևմտյան երկրներում կա կարծիք, որ Ռուսաստանը օգտագործում է գազը որպես զենք։ Իրավիճակն այն է, որ մեծ վնասներ է կրում նաև Ռուսաստանը;
Դեպի Եվրոպա գազի արտահանման զգալի կրճատման պատճառով Գազպրոմն ապրում է ամենածանր ճգնաժամը իր ստեղծման օրվանից, և ռուսական կողմը դժվար թե կարող է իրեն թույլ տալ օգտագործել կապույտ վառելիքը որպես զենք։
Գերմանիան ավելի շատ վնասներ է կրում քան Ռուսաստանը։ Առանց չափազանցության կարելի է ասել, որ Գերմանիան բախվել է ամենածանր ճգնաժամին՝ սկսած հետպատերազմյան շրջանից։ Ռուսասկան գազը հասնում է գերմանական տներ, գործարաններ, էլեկտրակայաններ։
Ուկրաինական ճգնաժամը ցնցել է Գերմանիայի էներգտետիկ համակարգի անվտանգությունը։ Ներկայումս Եվրոպայում մեծ մաշտաբներով ներկրվում է ամերիկյան հեղուկ գազը, սակայն Գերմանիան չունի համապատասխան ենթակառուցվածքներ դիվերսիֆիկացնելու գազի մատակարարման աղբյուրները։ Գերմանիայի կառավարությունը դիմել է իր քաղաքացիներին՝ առաջարկելով կրճատել գազի սպառումը, քանի որ ձմռանը հնարավոր է գազի բավական պաշարներ չլինեն երկրում։ Այս ամենի հետևանքով որոշ արդյունաբերական ձեռնարկությունը ստիպված կլինեն դադարեցնել արտադրությունը։
Գերմանիայի փրկությունը այս իրավիճակում կարող է լինել գազի մատակարարումը Հյուսիսային հոսքով։
Այսպիսի քայլերով Կիևը չարությամբ պատասխանեց Գերմանիայի բարությանը, որը շարունակում է աջակցել Ուկրաինային։
Ուկրաինական կառավարության կողմից Հյուսիսային հոսքի կայուն շահագործման շուրջ խոչընդոտները բացատրվում են վերջինիս տնտեսական ծանր իրավիճակով։ Ռուսական գազը փոխադրվում է Եվրոպա նաև Ուկրաինայի տարածքով, սակայն ծավալները հասել են նվազագույնին։ Դա անընդունելի է Ուկրաինայի կառավարության համար, որի եկամտի հիմնական աղբյուրը տրանզիտի վճարներն են ( գումարը կախված է գազի ծավալներից ): Խնդիրն այն է, որ Ռուսաստանը կրճատել է մատակարարումները Ուկրաինայի տարածքով և մեծացրել է Հյուսիսային հոսքի ծանրաբեռնվածությունը։
Կիևը կարող է սաբոտաժի ենթարկել Հյուսիսային հոսքի աշխատանքը, որպեսզի Ռուսաստանը ստիպված լինի ավելի շատ գազ մատակարարել Ուկրաինայի տարածքով։
Հուլիսի սկզբին հրապարակված հարցման համաձայն՝ 47% գերմանացիներ նշել են, որ անհրաժեշտ է դադարեցնել հակամարտությունը և չեղարկել Ռուսաստանի դեմ պատժամիջոցները՝ ստիպելով Ուկրաինային զիջել իր արևելյան և հարավային տարածքները։ Սա իրական արտացոլումն է մի իրավիճակի, երբ գները շարունակում են աճել, և շատ քաղաքացիներ անհանգստանում են իրենց ապրուստի համար:
ԵՄ-ում անցկացված հարցման արդյունքում հարցվածների մոտ 60%-ը նշել է, որ չի ցանկանում վճարել ժողովրդավարության պաշտպանության համար Ուկրաինայում։
Նախանշվում է հոգնածություն Ուկրաինայից, և բացառված չէ, որ Գերմիանիան և այլ եվրոպական երկրներ երես թեքեն ուկրաինական կառավարությունից, որը ուշադրություն չի դարձնում իր կողմնակիցների դրությանը։
