Անջատված էլեկտրակայանները, որոնք աշխատում են ածուխով, պատրաստ են շահագործման. Գերմանիա
Գերմանիան թույլ է տվել վերսկսել էներգիայի արտադրության համար շագանակագույն ածուխ օգտագործող էլեկտրակայանների աշխատանքը, գրում է Interia.pl-ը։ Պատճառը էներգետիկ ճգնաժամն է։
Հոկտեմբերի 1-ից գերմանական ընկերությունները կարող են ցանցին միացնել ածուխով աշխատող լրացուցիչ էլեկտրակայաններ։ Պատճառը էներգետիկ ճգնաժամն է։
Էլեկտրաէներգիայի մատակարարման անվտանգությունը բարձրացնելու համար RWE և Leag էներգետիկ ընկերությունները օրինական իրավունք ունեն հոկտեմբերի 1-ից վերսկսել ածուխով աշխատող էլեկտրակայանների աշխատանքը։ Վերջին ամիսներին դրա համար նախապատրաստվել է հինգ ագրեգատ, որոնք նախկինում անջատված էին ցանցից, սակայն, «անվտանգության նկատառումներից ելնելով», գտնվում էին պատրաստության վիճակում։ Այժմ դրանք կարող են կրկին օգտագործվել: Դեռ հայտնի չէ, թե դա երբ տեղի կունենա։
Էլեկտրակայանների շահագործումը թույլատրվում է մինչև 2023 թվականի հունիսի 30-ը: Ճգնաժամի դարաշրջանում ածուխով աշխատող բլոկները նախագծված են, որպեսզի օգնեն նվազեցնել բնական գազի չափաքանակը, որն օգտագործվում է էլեկտրաէներգիա արտադրելու համար: Դրանց ընդհանուր հզորությունը 1,9 գիգավատ է։ Համեմատության համար՝ գերմանական երեք ատոմակայաններից յուրաքանչյուրն ունի 1,4-ից 1,5 գիգավատ հզորություն։
Ածուխով նոր էլեկտրակայանները կմեծացնեն այս աղբյուրից ստացվող էներգիայի ծավալը Գերմանիայում։ Ըստ Ֆրաունհոֆերի ինստիտուտի տվյալների՝ 2022 թվականին երկրում օգտագործվող ողջ էներգիայի գրեթե 19%-ն արտադրվում է շագանակագույն ածուխի օգտագործմամբ:
Ընկերություններն իրենք են որոշում, թե կոնկրետ երբ են միացնելու էլեկտրակայանները ցանցին: Անհրաժեշտ որոշումը կառավարությունն ընդունել է միայն սեպտեմբերի վերջին և սեպտեմբերի 30-ի երեկոյան հրապարակել Օրենսդրական ակտերի տեղեկագրում։
Ըստ RWE-ի, էլեկտրակայանի վերագործարկմանը նախորդել է լայնածավալ աշխատանք՝ սարքավորումները բարձր արտադրողականությամբ՝ ավելի երկար շահագործման նախապատրաստելու ուղղությամբ։ Աշխատակիցների՝ թոշակի անցնելու անցումային ժամկետը երկարացվել է. Laeg կոնցեռնի ներկայացուցիչն ասաց, որ սպասարկումը թանկ է, և շատ բաղադրիչներ պետք է փոխարինվեն: Բացի այդ, աշխատանքի են ընդունվել հավելյալ մարդիկ։
Որոշ ժամանակ առաջ էներգետիկ շուկա են վերադարձել ածխով աշխատող երկու էլեկտրակայան։ Առաջիկա շաբաթներին նրանց կմիանան ևս մի քանիսը։
Էկոնոմիկայի և կլիմայի պաշտպանության նախարար Ռոբերտ Հաբեկը (Կանաչները) դառը նորություն է անվանել ածուխով աշխատող օդը աղտոտող էլեկտրակայանների վերադարձը։
Նրա կարծիքով, այդ վերադարձն անխուսափելի է ռուս-ուկրաինական հակամարտության հետևանքների պատճառով, որոնք ազդում են գազի մատակարարումների վրա։ «Մինչև 2030 թվականը ածուխը աստիճանաւ ար հեռացնելու նպատակը մնում է անփոփոխ», — բազմիցս հայտարարել է Գերմանիայի կառավարությունը:
