ԱՄՆ-ը դուրս կգա՞ ՆԱՏՕ-ից
Միացյալ Նահանգների «անկանխատեսելի» նախկին նախագահ Դոնալդ Թրամփը նույնիսկ ամերիկյան ամենամոտ դաշնակցին՝ Բրիտանիային, կթողնի կռահել, թե ինչ է նախատեսում անել ՆԱՏՕ-ի առումով, ուրբաթ օրը հայտարարել է Միացյալ Թագավորության նախկին վարչապետ Թերեզա Մեյը։ Գրում է POLITICO-ն։
Ելույթ ունենալով Միլթոն Քեյնսում Պահպանողական կուսակցության մի խումբ կողմնակիցների հետ՝ Մեյը հիշել է 2017 թվականին Թրամփի հետ իր առաջին հանդիպումը, որում ՆԱՏՕ-ն արդեն առաջնային էր օրակարգում այնպես, ինչպես Թրամփն իր շարունակվող նախընտրական քարոզարշավում կրկին սպառնալիքներ է հնչեցնում պաշտպանական դաշինքից դուրս գալու վերաբերյալ:
«Ես առաջին համաշխարհային առաջնորդն էի, ով գնաց և տեսավ նրան իր երդմնակալությունից հետո»,- ասել է Մեյը։ «Եվ ես գնացի հստակ նպատակ ունենալով ստիպել նրան հավատարիմ մնալ ՆԱՏՕ-ին այն բաների պատճառով, որոնք նա ասել էր իր նախագահական արշավի ժամանակ», — ավելացրեց նա:
2024-ը չի տարբերվում 2016-ից:
«Մենք հիմա նույն խնդիրն ունենք, եթե նա հաղթի նախագահական ընտրություններում», — ասել է Մեյը: «Նա ինչ-որ հակասական բաներ էր ասում ՆԱՏՕ-ի մասին: Բայց ես կարծում եմ անկանխատեսելիությունն է դժվարությունը»:
«Բառը, որը ես միշտ կօգտագործեի Դոնալդ Թրամփի մասին, անկանխատեսելին է»,- ասել է Մեյը։
