Գերմանիայի անսպասելի առաջարկը
Գերմանիան պնդել է, որ ՄԱԿ-ը կարող է վերահսկողություն հաստատել Գազայի վրա, երբ Իսրայել-Համաս պատերազմն ավարտվի, ասվում է փաստաթղթում, որը տեսել է POLITICO լրատվականը:
Այնուամենայնիվ, և՛ պաղեստինցիները, և՛ ԵՄ որոշ դիվանագետներ լուրջ կասկածներ ունեն գաղափարի իրագործելիության վերաբերյալ, և Եվրոպայում պաղեստինցի բարձրաստիճան գործիչն այն անվանել է «անընդունելի»:
Իսրայելը հարվածներ է հասցրել խիտ բնակեցված Գազայի հատվածին՝ ի պատասխան հոկտեմբերի 7-ին ՀԱՄԱՍ-ի հարձակման, որի ժամանակ զինյալ խմբավորումը սպանել է մոտ 1200 իսրայելցի։ Պաղեստինի ինքնավարության տվյալների համաձայն՝ Իսրայելի հարվածների հետևանքով զոհվել է ավելի քան 11 հազար պաղեստինցի։
Նոր աշխարհակարգի պատերազմները
Քննարկումները շարունակվում են այն մասին, թե ինչպես կարելի է ավելի շատ մարդասիրական օգնություն հասցնել Գազա և ինչպես դադարեցնել մարտերը: Բայց ավելանում են նաև քննարկումները սցենարների շուրջ պատերազմից հետո:
ԵՄ բարձրաստիճան դիվանագետ Ժոզեպ Բորելը երկուշաբթի շեշտեց, որ Իսրայելը չի կարող մնալ Գազայում պատերազմից հետո, երբ նա ներկայացրեց իր տեսլականը այն մասին, թե ինչ պետք է տեղի ունենա հակամարտությունից հետո Իսրայել և պաղեստինյան տարածքներ ուղևորությունից առաջ: Նա նաև ասաց, որ «մենք կարծում ենք, որ պաղեստինյան իշխանությունը պետք է վերադառնա Գազա», ընդգծելով, որ նկատի ունի «մեկ Պաղեստինյան իշխանություն, այլ ոչ թե Պաղեստինի ինքնավարություն»(“one Palestinian authority, not the Palestinian Authority”):
Բլինքենը նաև նախազգուշացրել է, որ Իսրայելը չի կարող կրկին գրավել Գազան ՀԱՄԱՍ-ի հետ պատերազմի ավարտից հետո:
Գերմանական առաջարկը՝ երկու էջանոց ոչ պաշտոնական փաստաթուղթ (կամ ոչ թղթային փաստաթուղթ՝ ԵՄ-ի լեզվով) թվագրված է հոկտեմբերի 21-ով, այսինքն՝ մինչև հոկտեմբերի վերջին Գազայի դեմ ռազմական գործողության երկրորդ փուլը սկսելու Իսրայելի որոշումը:
Բեռլինը՝ ԵՄ-ում Իսրայելի ամենահավատարիմ դաշնակիցներից մեկը, գրում է, որ «Իսրայելի նպատակն այն նպատակն է, որը մենք կիսում ենք. Համասը երբեք չպետք է լինի Իսրայելին և նրա քաղաքացիներին ահաբեկելու դիրքերում»: Այնուամենայնիվ, միևնույն ժամանակ, «պարզ է, որ այդ նպատակներին դժվար է հասնել միայն ռազմական ճանապարհով… Նրա արմատական գաղափարախոսության և օրակարգի դեմ հնարավոր չէ պայքարել ռազմական ճանապարհով»:
Այն ներկայացնում է Գազայի հատվածի ապագայի վերաբերյալ հինգ տարբեր սցենարներ։
Ցուցակում է նաև ՄԱԿ-ի սցենարը։ Բեռլինի խոսքերով, սցենարը նշանակում է «Գազայի միջազգայնացում ՄԱԿ-ի (և տարածաշրջանային գործընկերների) հովանու ներքո»՝ «զգույշ կազմակերպված անցումով» դեպի Պաղեստինյան ինքնավարություն «իդեալում» ընտրությունների միջոցով «և համատեղ միջազգային կոալիցիայի հետ, որն ապահովում է անհրաժեշտ անվտանգությունը»:
Բայց Բեռլինը նաև նախազգուշացրեց, որ «այս սցենարը կպահանջի քաղաքական կապիտալի և ֆինանսավորման զգալի ներդրում, ինչպես նաև միջազգային կոալիցիա՝ ՄԱԿ-ի կողքին անվտանգության հարցերում ներգրավվելու համար»:
Փաստաթղթում ասվում է, որ «ԵՄ-ն պետք է ակտիվ դեր ստանձնի այս [հետպատերազմյան] քննարկման ձևավորման գործում», և այն ավարտվում է շեշտելով, որ իրավիճակը Գազայի հատվածում «կարելի է կայունացնել միայն Մերձավոր Արևելքի խաղաղության գործընթաց վերագործարկման միջոցով»( Middle East Peace Process):
