Արևմտյան կործանիչներ կտրամադրվե՞ն Ուկրաինային
Ուկրաինան կստանա չորրորդ սերնդի 42 F-16 կործանիչներ Նիդերլանդներից և Դանիայից։ Այս մասին կիրակի օրը՝ օգոստոսի 20-ին, հայտարարել են Հոլանդիայի եւ Ուկրաինայի ղեկավարները։ Սա առաջին դեպքն է, երբ հակամարտության մեջ գտնվող Ուկրաինային արևմտյան արտադրության կործանիչների մատակարարման երաշխիքներ են մատակարարումը: Այս մասին գրում է հոդվածի հեղինակ Էլլի Քուքը(Ellie Cooc) Newsweek լրատվականում:
«[Հոլանդիայի վարչապետ] Մարկ Ռյուտեն և ես պայմանավորվեցինք քանակի շուրջ F-16-ների, որոնք կտրամադրվեն Ուկրաինային մեր օդաչուների և ինժեներների վերապատրաստումից հետո: 42 ինքնաթիռ»,- գրել է նախագահ Վլադիմիր Զելենսկին սոցիալական ցանցերում՝ հրապարակմանը կցելով լուսանկար, որում նա և Ռյուտեն լայն ժպտում են: «Սա դեռ սկիզբն է»,- հավելել է Զելենսկին։
Ուկրաինան վաղուց էր խնդրում իր Արևմտյան դաշնակիցներին տրամադրել իրեն այնպիսի առաջադեմ կործանիչներ, ինչպիսիք են ամերիկյան F-16-երը, բայց սա առաջին անգամն է, որ այն երաշխիքներ է ստանում, որ այդ ինքնաթիռները իրականում կժամանեն: F-16-ը զգալի բարելավում է խորհրդային ժամանակաշրջանի ինքնաթիռների համեմատ, որոնք ներկայումս տեղակայված են Կիևում:
Սակայն Ուկրաինայի օտարերկրյա կողմնակիցները վաղուց չեն ցանկանում ուղարկել այդ կործանիչներն Ուկրաինա, քանի որ դրանց առաքումը շատ ավելի երկարաժամկետ և ծախսատար պարտավորություն է, քան ռազմական օգնության փաթեթները, որոնք Կիևն արդեն ստացել է նրանցից: Թեև մի քանի երկրներ արդեն խոստացել են օգնել ուկրաինացի օդաչուներին ևանձնակազմին պատրաստման հարցում, երբ խոսքը վերաբերում է առաջադեմ կործանիչներ տրամադրելուն, ՆԱՏՕ-ի անդամները դանդաղ են գործում:
Ելույթ ունենալով Զելենսկու հետ համատեղ մամուլի ասուլիսում՝ Նիդերլանդների վարչապետ Ռյուտեն ասել է, որ Նիդերլանդները և Դանիան հավատարիմ են F-16-ներ ուղարկել Ուկրաինա՝ «այդ թվում՝ ԱՄՆ-ի և այլ գործընկերների հետ համագործակցությամբ, հենց որ այդպիսի տեղափոխման պայմանները կատարվեն»:
Պաշտպանության նախարար Ալեքսեյ Ռեզնիկովն ուրբաթ հայտարարել է, որ ԱՄՆ-ը Նիդերլանդներին և Դանիային կանաչ լույս է տվել F-16 կործանիչներ ուղարկելու համար՝ հենց որ ուկրաինացի օդաչուները կվերապատրաստվեն։ Հինգշաբթի ամերիկացի պաշտոնյան ասել է, որ Վաշինգտոնը հավանություն է տվել երկու եվրոպական երկրների՝ ինքնաթիռներն ուղարկելու որոշմանը, երբ անձնակազմի վերապատրաստումը ավարտվի:
F-16-ները արևմտյան արտադրության միակ կործանիչները չեն, որոնք խնդրել է Ուկրաինան, թեև Lockheed Martin-ի արտադրության ինքնաթիռները գրեթե անմիջապես ճանաչվել են լավագույն տարբերակը վերջինիս համար: Փորձագետները նշել են, որ շվեդական արտադրության Gripen կործանիչները իդեալական ընտրություն կլինեն Կիևի համար, սակայն այդ ինքնաթիռները շատ ավելի քիչ են արտադրվում F-16-ի համեմատ. դրանք օգտագործում են աշխարհի շատ երկրների օդային ուժերը:
