Ինչո՞ւ է Չինաստանը անհաջողություն կրում
Հնդկաստանը և Բրազիլիան դիմադրում են Չինաստանի փորձերին` արագ ընդլայնելու ԲՐԻԿՍ զարգացող տնտեսությունների խումբը, որպեսզի այն կարողանա մեծացնել իր քաղաքական ազդեցությունը և հակազդել ԱՄՆ-ին: Այս մասին հայտնում են այս թեմային իրազեկ աղբյուրները։ Այս մասին գրում են հոդվածի հեղինակներ Սուդի Ռանջան Սենը(Sudhi Ranjan Sen) և Ստեմբիլե Սելեն(S’thembile Cele) և Սիմոնե Փրեյսլեր Իգլեսիաս(Simone Preissler Iglesias)-ը BLOOMBERG լրատվականում։
Նախապատրաստական բանակցություններում երկու երկրներն առարկել են Պեկինին (օգոստոսին Յոհանեսբուրգում կայանալիք առաջիկա գագաթնաժողովից առաջ): Ակնկալվում է, որ գագաթնաժողովի ընթացքում Բրազիլիան, Ռուսաստանը, Հնդկաստանը, Չինաստանը և Հարավային Աֆրիկան կքննարկեն խմբի հնարավոր ընդլայնման հարցը՝ ներառելով Ինդոնեզիան և Սաուդյան Արաբիան: Պաշտոնյաների խոսքով, ովքեր խնդրեցին չհրապարակել իրենց անունները, այս հանդիպումների ընթացքում Չինաստանը բազմիցս հանդես է եկել խմբի ընդլայնման կոչով։
Դաշինքին միանալու ցանկություն են հայտնում նաև տասնյակ այլ երկրներ` խթանելով Արևմուտքի մտավախությունները, որ ԲՐԻԿՍ-ը ձգտում է հակակշռել Վաշինգտոնին և ԵՄ-ին:
Բրազիլիան ցանկանում է խուսափել ԲՐԻԿՍ-ի ընդլայնումից՝ մասամբ պայմանավորված այս մտահոգություններով, մինչդեռ Հնդկաստանը պահանջում է խիստ կանոններ, թե ինչպես և երբ այլ երկրներ կարող են մոտենալ խմբին՝ պաշտոնապես միանալով դրան: Ցանկացած որոշում կպահանջի կոնսենսուս անդամների միջև, որոնք կհանդիպեն օգոստոսի 22-24-ը։
Աղբյուրները հայտնում են, որ Հնդկաստանը և Բրազիլիան ցանկանում են օգտագործել գագաթնաժողովը, որպեսզի քննարկեն նոր երկրիների ներգգրավումը դիտորդի կարգավիճակով: Մինչդեռ ՀԱՀ-ը աջակցում է անդամակցության որոշ տարբերակների քննարկմանը, մինչդեռ դեմ չէ դաշինքի ընդլայնմանը։
Գագաթնաժողովը տեղի կունենա Վաշինգտոնի և Պեկինի միջև լարվածության մթնոլորտում։
ԲՐԻԿՍ-ի անդամները հրաժարվել են հետևել այնպիսի խմբերի օրինակին, ինչպիսին G-7-ն է, որոնք խստորեն դատապարտել և պատժել են Ռուսաստանին Ուկրաինայում նրա գործողությունների համար, չնայած Զարգացման նոր բանկը՝ ստեղծված ԲՐԻԿՍ-ի կողմից, սառեցրել է ռուսական նախագծերը։
ԲՐԻԿՍ խումբը, որը պաշտոնապես ստեղծվել է 2009-2010 թվականներին, պայքարում է աշխարհաքաղաքական ազդեցության ձեռքբերման համար, որը կհամապատասխանի իր հավաքական տնտեսական հզորությանը: ԲՐԻԿՍ-ի ներկայիս անդամներին բաժին է ընկնում աշխարհի բնակչության ավելի քան 42%-ը, համաշխարհային համախառն ներքին արդյունքի 23%-ը և համաշխարհային առևտրի 18%-ը:
Երկու հնդիկ պաշտոնյաների խոսքով, խմբի նոր անդամներ ընդունելու կանոնների նախագիծը կազմվել է այն իրադարձությունից հետո, երբ Հնդկաստանը դեմ է արտահայտվել Չինաստանի փորձերին՝ ընդոնելու այն։ Ակնկալվում է, որ դաշինքի առաջնորդները կքննարկեն և կընդունեն այս հիմնարար սկզբունքները օգոստոսյան գագաթնաժողովի ընթացքում։
Բրազիլիան առաջարկում է ստեղծել «դիտորդներ» և «գործընկեր երկրներ» կատեգորիաներ։ Բրազիլացի պաշտոնյայի խոսքերով, նոր երկրները սկզբից պետք է անցնեն այս երկու կատեգորիաները՝ նախքան կարողանան հավակնել BRICS-ի լիիրավ անդամակցությանը: Նշվում է, որ Բրազիլիան պատրաստ է աջակցել այդ գործընթացն սկսելու Ինդոնեզիայի ջանքերին։