Ֆինլանդիան սպասում է Բայդենի այցին
Նախագահ Բայդենի Հելսինկի այցի հիմնական պատճառը կապված է երկրի անդամակցության հետ ՆԱՏՕ-ին, գրում է Verkkouutiset-ը։ Ռազմական փորձագետ Յարնո Լիմնելը կարծում է, որ Ֆինլանդիան այժմ «հատուկ հետաքրքրություն» է ներկայացնում դաշինքի համար՝ հաշվի առնելով Ռուսաստանի հետ 1300 կիլոմետր ցամաքային սահմանը:
ԱՄՆ նախագահ Ջո Բայդենը հուլիսի 13-ին կայցելի Ֆինլանդիա։ Այցի ընթացքում նա կմասնակցի հանրապետության նախագահ Սաուլի Նիինիստոյի կողմից կազմակերպված գագաթնաժողովին(մասնակցում են Հյուսիսային Եվրոպայի երկրները և ԱՄՆ-ը)։ Այցը կներառի նաև Նիինիստոյի և Բայդենի երկկողմ հանդիպումը։
«Ազգային կոալիցիա» կուսակցության պատգամավոր, ռազմական գիտությունների դոկտոր, պաշտոնաթող մայոր Յարնո Լիմնելն ընդգծում է, որ ԱՄՆ նախագահի այցը Ֆինլանդիա չափազանց հազվադեպ երեւույթ է։ «Մինչ այս, Միացյալ Նահանգների նախագահը 21-րդ դարում միայն մեկ անգամ է այցելել Ֆինլանդիա», — գրել է Լիմնելը Twitter-ում:
Նրա խոսքով՝ այցի հիմնական պատճառը կապված է ՆԱՏՕ-ին Ֆինլանդիայի անդամակցության հետ։ Ֆինլանդիան այժմ առանձնահատուկ հետաքրքրություն է ներկայացնում դաշինքի համար՝ կապված համատեղ պաշտպանական ծրագրերի մշակման հետ։ Բացի այդ, իր այցով Բայդենը բացահայտ հայտարարում է աջակցության և երախտագիտության մասին Ֆինլանդիային՝ որպես հուսալի դաշնակցի, վստահ է Լիմնելը։
Յարնո Լիմնելի խոսքով՝ այցը Ռուսաստանի համար կարևոր ազդանշան է։ «Անվտանգության երաշխիքներն այժմ ներառում են 1300 կիլոմետր ցամաքային սահման: Ինքնիշխանությունը պետք է հարգվի»,- հիշեցնում է նա:
