Ընտրական իրավունքի համակարգը հիասթափեցնող է մեզանից շատերի համար. ԵՄ օրենսդիր
Երբ ստեղծվեց ԵՄ ընտրական համակարգը, 1979 թվականի Եվրախորհրդարանի առաջին ընտրություններից առաջ դաշինքն ուներ ինը անդամ պետություն՝ ներկայիս 27-ի փոծարեն և 410 Եվրախորհրդարանի պատգամավորներ՝ ներկայիս 705-ի համեմատ:
«[Դա] հիասթափեցնող է մեզանից շատերի համար», — EURACTIV-ին տված հարցազրույցում ասել է Եվրախորհրդարանի պատգամավոր Դանուտա Մարիա Հյուբները, ով փորձառու է ԵՄ ընտրական գործընթացներում: «1979 թվականից ի վեր մենք գիտենք, թե ինչպես է փոխվել աշխարհը։ Մենք ապրում ենք այլ ԵՄ-ում»:
«[Համակարգը] հիմնված է ազգային ավանդույթի վրա»,- ասաց ԵՄ օրենսդիրը՝ ընդգծելով, որ ներկայիս գործընթացը շատ քիչ ընդհանուր եվրոպական դրույթ ունի։
Հյուբներն ասաց, որ ցավում է, որ, չնայած անցած ժամանակին, կանոնները չեն վերանայվել:
«Ես ամաչում եմ դրա համար, այն բանի համար, որ մենք չենք կարող փոխվել՝ չնայած ջանքերին», — հայտարարեց նա։
Այնուամենայնիվ, Հյուբները հույս է հայտնել, որ չնայած գործող կանոններին, վերջին ճգնաժամերը՝ համաճարակը, Ուկրաինայում պատերազմը, գնաճը և էներգետիկ ճգնաժամը, կարող են 2024 թվականի գարնան ԵՄ ընտրությունները դարձնել դեռևս «ամենաեվրոպականը»:
«Իհարկե, շատ բան կախված է այն հանգամանքից, թե ովքեր են ընտրվում, ինչ հարցեր են ուզում քննարկել։ Բայց այդ բաները, որոնք տեղի են ունենում մեզ հետ, նաև ավելի շատ տեղեկացվածություն են ստեղծում Եվրոպայի մասին»,- ընդգծել է Հյուբները:
«[Որոշ մարտահրավերներ] հնարավոր է հաղթահարել միայն Եվրոպական մակարդակով: Դրանք եվրոպական լուծումների կարիք ունեն»,- ասաց նա:
