Ֆրանսիայում էլեկտրաէներգիայի գներն առաջին անգամ գերազանցել են հազար եվրոն
Ուրբաթ օրը էլեկտրաէներգիայի գինը հաջորդ տարվա մատակարարման համար գերազանցել է հազար եվրոն Ֆրանսիայում, հայտնում է Bloomberg-ը։
Ֆյուչերսները գրեթե ամեն օր ռեկորդներ են սահմանում, քանի որ Ռուսաստանը ձմեռային ջեռուցման սեզոնին ընդառաջ սահմանափակում է բնական գազի մատակարարումները: Էլեկտրաէներգիայի գների աննախադեպ աճը խթանում է գնաճը և սպառնում է տնային տնտեսությունների և ձեռնարկությունների ֆինանսներին ողջ Եվրոպայում:
Հաջորդ տարի մատակարարումների ֆրանսիական պայմանագրերն աճել են 13%-ով՝ ուրբաթ օրը Եվրոպական էներգետիկ բորսայում հասնելով 1022 եվրոյի մեկ ՄՎտ/ժ-ի համար: Գերմանական համարժեքը նույնպես գերազանցել է ռեկորդը՝ դրա արժեքը այս շաբաթ աճել է 50%-ով և հասել 840 եվրոյի մեկ ՄՎտ/ժ-ի դիմաց։ Սկանդինավյան էներգիայի գինը բարձրացել է 11%-ով՝ հասնելով 277 եվրոյի մեկ ՄՎտ/ժ-ի դիմաց։
Գները բարձրացան նաև այն բանից հետո, երբ ֆրանսիական Electricite de France SA պետական էներգետիկ ընկերությունը հայտարարեց, որ երկրի մի շարք ատոմակայաններ կվերսկսեն աշխատանքները սպասվածից ուշ: Դրանք են լինելու այս ձմռանը էներգիայի հիմնական աղբյուրը, քանի որ բնական գազի մատակարարումները չեն բավականանցնում։