Եվրոպայի անվտանգության և համագործակցության կազմակերպություն (ԵԱՀԿ). Հելսինկյան եզրափակիչ ակտի 10 սկզբունքները
Համաշխարհային մեզ հայտնի պատմությունը հիմնականում եվրոպակենտրոն է եղել, իսկ Աշխարհագրական մեծ հայտնագործությունների դարաշրջանից ի վերը եվրոպական քաղաքականությունը տարածվեց ողջ աշխարհով մեկ: Եվրոպայում էր լուծվում ողջ մոլորակի ճակատագիրը, իսկ այդ լուծումները հաճախ արյունալի բնույթ էին կրում: Եվրոպան դարձել էր թատերաբեմ բրիտանական, ֆրանսիական, գերմանական, ռուսական և այլ շահերի բախման համար: Որոշ միջոցառումներ էին ձեռնարկվում Եվրոպան միավորելու համար (հիմնական ռազմական ուժի միջոցով), սակայն ապարդյուն; Այդպես մինչև Երկրորդ աշխարհամարտ: Պատերազմից հետո Եվրոպան բաժանվեց երկու մասի՝ արևմուտքում գերիշխում էր ԱՄՆ-ի կողմից ղեկավարվող կապիտալիստական համակարգը, իսկ արևելքում՝ ԽՍՀՄ կողմից ղեկավարվող կոմունիզմը: Եվրոպան երկրորդական կարգավիճակ էր ստացել երկու համաշխարհային բևեռների հարաբերությունների մեջ:
Երկու հակադիր համակարգերի պայքարի և մրցակցության կարևորագույն տարրը Վարշավայի պայմանագրի կազմակերպության և ՆԱՏՕ-ի միջև ռազմական դիմակայությունն էր, որը գնալով սաստկանում էր: Հաշվի առնելով, որ կողմերն ունեին հզոր հրթիառամիջուկային ներուժ, անհրաժեշտ էր ստեղծել այնպիսի «խաղի կանոններ», որպեսզի այդ դիմակայությունը երբեք չվերածվեր պատերազմի, ինչը համապատսխանում էր եվրոպական բոլոր պետությունների շահերին: Կենսականորեն կարևոր այդ հիմնահարցի լուծումն էլ հենց դարձավ Եվրոպայի անվտանգության և համագործակցության հարցերով խորհրդաժողովի հրավիրման կարևոր նախապայմաններից մեկը:
Արևելքն ու արևմուտքն իրենց նկրտումներն ունեին, սակայն որևէ ընդհանուր եզրակացության գալու համար, նրանց երկուսին էլ հարկավոր էր փոխզիջման հանգել: Այստեղ հարցը շահերի և պայմանավորվածությունների նուրբ եզրեր գտնելու մասին էր, ինչը կնպաստեր միջազգային լարվածության թուլացմանը, սպառազինությունների մրցավազքի որոշակի կասեցմանը, Եվրոպայում զինված հակամարտությունների առաջացման վտանգի նվազեցմանը և Արևելքի ու Արևմուտքի՝ բլոկների միջև մրցակցության գործընթացի տեղափոխմանը հրապարակային դիվանագիտության և քաղաքական-քարոզչական պայքարի ոլորտ: համաեվրոպական խորհրդաժողովի հրավիրման գաղափարի սկզբնական փուոլւմ ավելի հեռահար ծրագրեր կառուցելն աննպատակահարմար էր:
Երկու կողմերն էլ չէին ցանկանում սահմանափակվել մեկ հանդիպումով, ուստի ձգտում էին պայմանավորվել տարբեր համաժողովների անցկացման մասին, որոնց ժամանակ կկարողանային հետամուտ լինել սեփական շահերին և գործնականում իրականացել հրապարակային դիվանագիտություն: Այս փուոլում որևէ միջազգային կառույցի ստեղծումը օրակարգի հարց չէր, թեև սոցիալիստական երկրներն առաջարկում էին խորհրդաժողովի ժամանակ ձևավորել Եվրոպայում անվտանգության և համագործակցության հարցերով մշտական մարմին:
Դեռ 1954 թ. ԽՍՀՄ-ն առաջարկել էր մշակել մի պայմանագիր՝ 50 տաի ժամկետով, որը կստորագրեին եվրոպական բոլոր պետությունները, որը կհենվեր մշտապես գործող կազմակերպչական կառույցի վրա: Բայց, քանի որ դա ինքին կասեցնում էր Գերմանիայի Դաշնային Հանրապետության (Արևմտյան Գերմանիայի) մուտքը ՆԱՏՕ և Եվրոպայի անվտանգությունն առանձնացվում էր ԱՄՆ-ի անվտանգությունից, արևմտյան երկրներն այդ գաղափարը հարամեցին ոչ նպատակահարմար:
Այնուհետր 1964 թվականին ՄԱԿ-ի Գլխավոր ասամբլեայի նստաշրջանում, համաձայնեցնելով իր գործողությունները վարշավայի պայմանագրի մյուս երկրների հետ, Լեհաստանի պատվիրակությունն առաջարկեց հրավիրել եվրոպական անվտանգության հարցերով կոնֆերանս՝ Եվրոպայի բոլոր երկրների մասնակցությամբ: Նման կոնֆերանսի հրավիրման գաղափարը շուտով դարձավ Արևելքի և Արևմուտքի միջև բանակցությունների առարկա, իսկ բանակցությունների ընթացքում աստիճանաբար մերձենում էին կողմերի դիրքորոշումները և ուրվագծվում էր խորհրդաժողովի ապագա օրակարգը:
Բուխարեսոտւմ 1966 թվականի հուլիսին Վարշավայի պայմանագրի կազմակերպության երկրներըի կողմից ընդունված Եվրոպայում խաղաղության և անվտանգության ամրապնդման Հռչակագրում սահմանվեցին սոցիալիստական երկրների գերակայող խնդիրները եվրոպական անվտանգության բնագավառում և հաստատվեց համաեվրոպական համաժողով հրավիրելու առաջարկը:
1966 թ. թվականի դեկտեմբերին Փարիզում ՆԱՏՕ-ի խորհրդի նիստն ընդունեվ, որ չի բացառում մինչև Գերմանիայի վերամիավորումը ԽՍՀՄ-ի հետ Եվրոպայում անվտանգության և զինաթափման հարցերի շուրջ համաձայնության գալը:
Եվս մեկ մոդել առաջարկեց Շարլ դը Գոլը, որը նախատեսում էր հրավեիր միայն եվրոպական երկրների խորհրդաժողով, այսպես կոչված «Եվրոպա՝ Անտլատիկայից մինչև Ուրալ» հայտնի արտահայտությամբ:
ԵԱՀԽճի հրավիրման գաղափարի գործնական իրականացման ճանապարհին չափազանց կարևոր դեր խաղացին 1968 թ. իրադարձությունները Չեխոսլովակիայում: Այդ իրադարձությունները համոզիչ կերպով վկայեցին, որ հասարակական զարգացմանսոցիալիստական համակարգը դառնում է անպաշտպան, երբ սոցիալսիտական երկրների քաղաքացիներն սկսում են լիովին օգտվել մարդու իրավունքներից և հիմնարար ազատություններից:
1969 թ. մարտի 17-ին Վարշավյան պատկի կազմակերպության անդամ երկրենրը կոչով դիմեցին բոլոր եվրոպական երկրներին՝ ձեռնամուխ լինելու համաեվրոպական խորհրդաժողովի հրավիրման նախապատարաստությանը: Այդ կոչը դրական արձագանք գտավ չեզոք երկրներում, այդ թվում՝ Ֆինլանդիայում:
1969 թ. մայիսի 5-ին Ֆինլանդիայի կառավարությունը հուշագիր հանձնեց բոլոր եվրոպական, ինչպես և ԱՄՆ-ի և Կանադայի կառավարություններին՝ առաջարկելով ձեռնարկել ապագա խորհրդաժողովի հրավիրման նախապատրաստությունները: Ֆինլանդիան նաև պատրաստակամություն հայտնեց հանդես գալ որպես խորհրդաժողովի կազմակերպիչ:
Ընդհանուր առամաբ և՛ ՆԱՏՕ-ն, և՛ Վարշավյան պայմանագրի երկրները աստիճանաբար համակերպվում էին նման հնարավորությունների հետ:
1970 թ. նոյեմբերին Ֆինլանդիայի կառավարությունը հուշգիր ուղարկեց բոլոր շահագրգիռ կողմերին՝ առաջարկելով Հելսինկիում անցկացնել համաեվրոպական խորհրդաժողովի հետ կապված հարցերի քննարկամ նախնական հանդիպումներ:
Արևելքը դրական արձագանքեց, իսկ Արևմուտքը որոշ վերապահումներ ուներ՝ կապված ԱրևմտյանԲեռլինի հետ, որի շուրջ 1971 թ. սեպտեմբերին քառակողմ համաձայնագրի ստորագրումով հանվեց խորհրդաժողովի անցկացման հիմնական արգելքներից մեկը:
1972 թ. նոյեմբերի 22-ին Հելսինկիի Դիպոլի արվարձանում սկսվեցին համաեվրոպական խորհրդաժողովի նախապատրաստմանն առնչվող բազմակողմ խորհրդատվությունները, որոնք հայտնի են որպես «Դիպոլի պայմանավորվածություններ»: դրանց դրական ընթացքին նպաստեցին Եվրոպայի կյանքում այնպիսի կարևոր իրադարձություններ, ինչպիսիք էին ԳԴՀ-ի ևԳՖՀ-ի միջև հարաբերությունների հիմնադրույթային պայմանագիրը, Վիետնամում պատերազմի վարտը, ինչպես նաև մյունխենյան գործարքներին վերջ դրած Չեխոսլովակիայի և ԳՖՀ-ի միջև 1973 թ. կնքված պայմանագիրը[1]:
Հելսինկիում բազմակողմ խորհրդատվություններն ավարտվեցին հունիսի 8-ին Եզրափակիչ հանձնարարականների ընդունումով, որոնք հայտնի են նաև որպես «Երկնագույն գիրք»: Խորհրդատվությունների մասնակիցները հանձնարարում էին իրենց կառավարություններին Խորհրդաժողով հրավիրել այդ գրքում թվարկված պայմանների հիման վրա: Հանձնարարակներում առաջարկվում էր Խորհրդաժողողվի օրակարգը, մասնակիցների կազմը, անցկացման վայրը և ժամանակը, կանոնակարգը և ֆինանսական կարգը: Առաջարկվեց Եվրոպայում անվտանգության և համագործակցության խորհրդաժողովը (ԵԱՀԽ) անցկացնել երեք փուլով:
Առաջին փուլում պետք է հանդիպեին անդամ պետությունների արտգործնախարարները, որպեսզի հաստատեին ընթակարգը, օրակարգը և Խորհրդաժողովի աշխատանքային մարմիններին տրվելիք հանձնարարությունները: Այդ փուոլում արտգործնախարարներին, առաջարկվում էր ներկայացնել իրենց կառավարությունների կարծիքները Եվրոպայում անվտանգության և համագործակցության հիմնահարցերի վերաբերյալ և ցանկության դեպքում, հանդես գալ օրակարգային նոր առաջարկներով:
Երկորդ փուոլում պետք է սկսեին աշխատել հատուկ հանձնաժողովներն ու ենթահանձնաժողովները, որոնց հանձնարարվում էր նախապատրաստել հուշագրերի, հանձնարարակների և եզրափակիչ այլ փաստաթղթերի նախագծերը:
Երրորդ փուոլում առաջարկվում էին հանդիասվոր նիստում հաստատել Խորհրդաժողովի եզրափակիչ փաստաթղթերը: Իսկ անդամ պետությունների ներկայացուցչական կազմը պետք է որոշվեր ավելի ուշ:
Խորհրդաժողովի կազմի առումով առաջարկվում էր հրավիրել բոլոր եվրոպական պետություններին, ԱՄՆ-ին և Կանդային: Ցանկության դեպքում նշված պետություններից յուրաքանչյուրը կարող էր հանդես գալ դիտորդի դերում: Ենթադրվում էր նաև Եվրապային սահմանակից պետություններին, մասնավորապես Միջերկրածովյան երկրներին սեփական տեսակետները ներկայացնելու հնարավորություն տալ: Ընթացակարգի կանոնների համաձայն, բոլոր պետությունները պետք է մասնակցեին ,որպես ինքնուրույն և անկախ պետություններ»՝ «լիակատար հավասարության պայմաններում»:
Որոշվեցին Խորհրդաժողովի աշխատանքային մարմինները՝ Համակարգող կոմիտեն, հանձնաժողովներն ու ենթահանձնաժողովները, որոնք պետք է իրենց աշխատանքն սկսեին Խորհրդաժողովի երկորդ փուլից: Ընթացակարգի արմատական դրույթներից մեկը շեշտում էր, որ Խորհրդաժողովի որոշումներն ընդունվում են կոնսենսուսով: Խորհրդաժողովի աշխատանքային լեզուն հաստատվեցին անգլերենը, իսպաներենը, իտալերենը, գերմաներենը, ռուսերենն ու ֆրանսերենը: Որոշվեց նաև ֆինանսավորման կարգը:
Բազմակողմ խորհրդատվությունների ավարտը և Եզրափակիչ հանձնարարականների ընդունումը դարձավ Հելսինկիում դարձավ եվրոպական պետությունների առաջին դրական փորձը մայրցամաքի անվտանգության և համագործակցության հիմնահարցերը կարգավորելու ուղղությամբ: Այդ իրադարձությունը դարձավ Եվրոպայում նոր աշխարհակարգի ձևավորման պատմական գործընթացի սկիզբը:
ԵԱՀԽ առաջին փուլը տեղի ունեցավ 1973 թ. հուլսի 3-7-ին՝ Հելսինկիում: Տեղ գտած հայտարարություններն ու առաջարկությունները ցույց տվեցին, որ երկրները հավատարիմ են սկզբունքային այն դիրքերին, որոնք պետք է պաշտպանեին առաջիկա Խորհրդաժողովի ժամանակ: Հաջորդ փուլում նախատեսվում էր քննարկել այդ առաջարկները և փորձել մշակել եզրափակիչ տեքստը, որը պետք է հաստատվեր երրորդ փուլում: Երկրորդ փուլը անցավ 1973 թ. օգոստոսի 29-ից մինչև 1975 թ. հունիսի 21 Ժնևում: Մասնակիցները պետք է հանրագումարի բերեին պետությունների տարբեր դիրքորոշումները Եվրոպայում անվտանգության և համագործակցության հարցերի վերաբերյալ և կոնսենսուսի հասնեին: Լուրջ դժվարություններ առաջացան հումանիտար բնագավառում համագործակցության սկզբունքային հիմքերի որոշման, սահմանների անխախտելիության և վստահության միջոցառումների ձևակերպումների ժամանակ: Չնայած այս ամենին երկրորդ փուլը հաջողությամբ ավարտեց իր առաքելությունը և Խորհրդաժոովի Համակարգող կոմիտեն որոշում ընդունեց Խորհրդաժողովի երրորդ փուլն անցկացնել Հելսինկիում:
1975 թ. օգոստոսի 1-ին եվրոպական 33 երկրների, ինչպես նաև ԱՄՆ-ի և Կանադայի ղեկավարներն իրենց ստորագրություններով ամրագրեին ԵԱՀԽ հելսինկյան Եզրափակիչ ակտը[2]: Եզրափակիչ ակտում նախատեսված են տասը սկզբունքներ, որոնք դիվանագիտության պատմության մեջ հայտնի դարձան որպես հելսինկյան դեկալոգ: Դրանք են.
- Ինքնիշխանություն, ինքնաիշխանությանը բնորոշ իրավունքների հարգում,
- Ուժի կամ ուժի սպառնալիքի չգործադրում
- Սահմանների անխախտելիություն,
- Պետությունների տարածքային ամբողջականություն,
- Վեճերի խաղաղ լուծում,
- Ներքին գործերին չմիջամտում,
- Մարդու իրավունքների և հիմնարար ազատությունների, այդ թվում՝ մտքի, խղճի, կրոնի և համոզմունքների ազատության հարգում,
- Իրավահավասարություն և սեփական ճակատագիրը տնօրինելու ժողովուրդների իրավունք,
- Համագործակցություն պետությունների միջև,
- Միջազգային պարտավորությունների բարեխիղճ իրագործում:
Եզրափակիչ ակտի մեջ ներառված էր վստահության ամրապնդման, անվտանգության և զինաթափման միջոցառումների փաստաթուղթը, որը պետություններին դրդում էր քաղաքական լրավածության թուլացումը լրացնել ռազմական լարվածության նվազեցման բանագավառում կոնկրետ պայմանավորվածություններով:
ԵԱՀԽ-ի հիմքով էլ հետագայում ձևավորվեց Եվրոպայի անվտանգության և համագործակցության կազմակերպությունը[3]: ԵԱՀԿ-ին վերապահված է նաև ղարաբաղյան հարցի կարգավորումը[4]:
[1] Եվրոպայում անվտանգության և համագործակցության կազմակերպությունը /Պատմությունը, գործունեությունը և հեռանկարները / Ա. Հարությունյան, Եր., Անտարես, 2006, էջ 19-21:
[2] Եվրոպայում անվտանգության և համագործակցության կազմակերպությունը /Պատմությունը, գործունեությունը և հեռանկարները / Ա. Հարությունյան, Եր., Անտարես, 2006, էջ 23-24:
[3] Տե՛ս ԵԱՀԿ-ի պաշտոնական կայքը http://www.osce.org/
[4] Торкунов А. В. Современные международные отношения и мировая политика, М., 2004, էջ 527-530: