Աշխարհի ամենաերջանիկ երկրները. «Երջանկության համաշխարհային զեկույց — 2017» (ինֆոգրաֆիկ)

2012 թվականից սկսած ՄԱԿ-ն ամեն տարի հրապարակում է «Երջանկության համաշխարհային զեկույցը» («World Happiness Report»)[1], որում երկրները դասակարգվում են ըստ երջանկության ցուցիչի՝ հիմնվելով 6 գործոնների վրա.

1. Մեկ անձի հաշվով ՀՆԱ-ի չափը,
2. Սոցիալական աջակցությունը,
3. Կյանքի տևողությունը,
4. Քաղաքացիների ազատ ընտրության իրավունքը,
5. Առատաձեռնությունը, մեծահոգությունը,
6. Կոռուպցիայի նկատմամբ վերաբերմունքը:

Երջանկության ցուցիչով 155 երկրների ցանկում առաջատար պետություններ են արևմտյան երկրները, հատկապես սկանդինավյան երկրները, իսկ վատագույն ցուցանիշներն ունեն աֆրիկյան պետությունները:

Տարածաշրջանի երկրների ցանկում ամենաերջանիկը Թուրքիայում են (69-րդ հորիզոնական), իսկ վատագույն ցուցանիշն ունի Վրաստանը (125-րդ հորիզոնական):

ԵԱՏՄ երկրներում ամենաերջանիկը Ռուսաստանում են (49-րդ հորիզոնական), իսկ ամենավատ ցուցանիշն ունի Հայաստանը (121-րդ հորիզոնական):

Մեր երկրի ընդհանուր գնահատականը 4,376 միավոր է: Հայաստանն առավել բարձր ցուցանիշ ունի սոցիալական աջակցության, մեկ անձի հաշվով ՀՆԱ-ի չափի և կյանքի տևողության ցուցանիշներով, իսկ ընտրության ազատության, առատաձեռնության ու կոռուպցիայի նկատմամբ վերաբերմունքի ցուցանիշներով ավելի ցածր մակարդակ է ապահովում:

[1] http://worldhappiness.report/ed/2017/