Անվտանգային պայմանագիր ԵՄ-ի հետ
Մոլդովան երեքշաբթի օրը ստորագրել է անվտանգության և պաշտպանության գործընկերություն Եվրամիության հետ — ԵՄ անդամ չհանդիսացող առաջին երկիրը, որը նման համաձայնագիր է կնքել: Գրում է POLITICO-ն։
Գործընկերությունը «կբարձրացնի երկրի ճկունությունը» և թույլ կտա ԵՄ-ին և Մոլդովային «համատեղ լուծել անվտանգության ընդհանուր մարտահրավերները, մեր ներգրավվածությունն ավելի արդյունավետ դարձնել և համագործակցության նոր ոլորտներ ուսումնասիրել», — ասել է ԵՄ բարձրաստիճան դիվանագետ Ժոզեպ Բորելը:
Մոլդովայի արտաքին գործերի նախարարությունը գործընկերությունը բնութագրել է որպես «հովանոցային պայմանավորվածություն Մոլդովայի Հանրապետության և ԵՄ-ի միջև բոլոր փոխգործակցությությունների համար»:
Գործընկերությունը կհանգեցնի ԵՄ-ի օգնությանը Մոլդովայի ճկունության ամրապնդման, սահմանների ինտեգրված կառավարման համար, և Քիշնևը կմասնակցի ԵՄ ճգնաժամային կառավարման առաքելություններին, ասվում է հայտարարության մեջ:
Համաձայնագիրը նաև կնպաստի համագործակցությանը կիբերանվտանգության և ապատեղեկատվության դեմ պայքարի ոլորտներում, ինչպես նաև աջակցությունը Մոլդովայի պաշտպանական ոլորտին Խաղաղության եվրոպական գործիքի միջոցով: