Պուտինյան գամբիտ՝ բաժանիր, որ տիրես. “The National Interest”
Ամերիկյան “The National Interest” պարբերականը մարտի 2-ին հրապարկել է «Պուտինյան գամբիտ» հոդվածը, որում անդրադառնում է Ռուսաստանի կողմից վարվող աշխարհաքաղաքական զարգացումներին: Ներկայացնում ենք հոդվածի առավել կարևոր գաղափարները:
Վերջին զարգացումների պայմաններում Ուկրաինայում Մոսկվայի դիրքերը բավականին ամուր են, իսկ կայուն զինադադարի պահպանման լծակները Պուտինի ձեռքում են, ինչը հավելյալ միջոց է Արևմուտքից զիջումներ կորզելու համար: Սակայն որոնք են ՌԴ երկարատև ռազմավարական նպատակները, որոնք և արտահայտվում են ուկրաինական հակամարտության մեջ.
- ՆԱՏՕ-ի ընդլայնման կասեցում,
- ետխորհրդային տարածքում ազդեցության վերականգնում,
- միջազգային ասպարեզում հեղինակության բարձրացում:
Եթե այս առումով Պուտինը ցանկանում է Ուկրաինայում հաղթանակի հասնել, ապա շատ զգուշավորությամբ պետք է օգտագործի իր դիվանագիտական լծակները: Սակայն և այդ դեպքում հաջողության հասնելու հնարավորություննները մեծ չեն: Պուտինը ավելի շատ փորձում է ոչ թե դիվանգաիտական ճանապարհով հարցը լուծել, այլ ի ցույց դնելով ռազմական ներուժը: Սակայն այդ դեպքում Մոսկվան իզոլյացման մեջ կհայտնվի, այլ ոչ թե կփոխի միջազգային քաղաքականության համակարգը:
Պարբերականը հիշեցնում է պատմության մեջ առկա դեպքեր, երբ գործող աշխարհակարգի առաջատար տերությունների թողտվությամբ ձևավորվեց հիտլերյան Գերմանիան կամ միլիտարիզացված Ճապոնիան, և շեշտվում, որ Ռուսաստանին զսպելու միակ միջոցը միասնականության պահպանումն է: Պուտինը կարող է հաջողության հասնել միայն արևմուտք դաշնակիցների բաժանման միջոցով, այսինքն իր նպատակների իրագործման համար իրեն դաշնակիցներ են հարկավոր:
Այսպիսի իրավիճակում Արևմուտքը պետք է կոշտ դիրքորոշում որդեգրի ՌԴ նկատմամբ, այլապես Պուտինին կհաջողվի իր կողմը գրավել եվրասիական տարածաշրջանի երկու առաջատար տերությունների՝ Չինաստանին և Հնդկաստանին, որոնք ևս դեմ չեն լինի Արևմտյան լիբերալիստական աշխարհակարգի հեգեմոնիայի վերացմանը: